UFC 187 chu beisei ang ngei mai in a hmuhnawm riap2 khawp mai, Mizoram atang pawh a LIVE a kan en ve thei ta zel te hi kan Pathian hi a va tha tak em!

* Preliminary card lamah pawh UFC Flyweight rankings #1 John Dodson chuan Zach Makovsky chu sawisel hlawh ang reng takin Unanimous Decision in a hneh a, chuan kan South Korean unaupa Dong Hyun Kim (K-Pop leh pop lo a buai ve lo) chuan Josh Burkman chu Submission (Arm-Triangle Choke) in a hneh bawk. Tin, Rafael Natal an Uriah Hall chu Split Decision in a hneh a, Uriah Hall hi UFC-a a loss ho hi split decision vek a ni. Chu mai ala ni lo, Welterweight bout ah Undefeated - Colby Covington (8-0) chuan former WEC Welterweight Champion Mike Pyle chu Unanimous Decision in a hneh bawk.

* Main Card bout hmasa berah poh Flyweight division ah Joseph Benavidez an John Moraga chu Unanimous Decision tho in a hneh a, ti hian Flyweight Champion Mighty Mouse hi Joseph Benavidez nge John Dodson an tum hmasa ta ang le???

* Heavyweight lama fight hmuhnawm ber pawl ni kumkhua tawh turin UFC veteran Andrei Arlovski an a thianpa Travis Browne chu round 1 ah TKO in a hneh a, an in tum reilote chhung hian vawi 42 teh meuh Browne a lu ah a hnek hman.

(Browne hian helmet a khum miahlo lehnghal, tuarchhel ve thawkhat hle ni)

* Tun hnaia chak reng mai Donald Cerrone chuan a zia ngaite bawk chhuah lehin, Khabib Nurmagomedov inhliam vanga thlak tu John Makdessi chu 2nd round ah TKO (retirement due to Broken Jaw) in a hneh leh a, a last 8 fights a la chak fai vek Cowboy hian title shot chu a hmuh tawh ngei a rinawm.

(Khabib Nurmagomedov lah kha Islam Makhachev kha tawng a rawn lehlin sak leh zuah2 tho sia lol)

* Undefeated Middleweight Champion Chris Weidman chuan a belt humhimin 1st round ah TKO (Ground and Pound) in UFC veteran tho Vitor 'The Phenom' Belfort a hneh bawk. Vitor hian BJ Penn leh Randy Couture te anga weight class pahniha Champion theihna chance chu a chan ta a ni.

(The All-American Chris Weidman hian Brazilian top contender pali lai a hneh tawh)

* Main event ah Light Heavyweight belt ruak inchuhin Daniel Cormier leh Anthony Johnson te an in khuainuai a, Rumble Johnson hian striking ah a hneh mah zawk a, a takedown defense pawh a tha hman viau, mahse DC hian a wrestling skills hmang tangkai in a theih paling kawhin a buan ta a, a tawp ah Submission (Rear-Naked Choke) in a tlawm ta a ni. Ti hian AKA (American Kickboxing Academy) Team chuan Heavyweight Champion - Cain Velasquez leh Light Heavyweight Champion an nei ta a, Middleweight rank #1 Luke Rockhold hian Chris Weidman a hneh ve hlauh chuan Khawvela MMA gym tha ber an ni thei mai angem??

(Nuihzathlak ve mai mai chu Jon Jones leh Anthony Johnson te belt inchuh tur Daniel Cormier an a la daih!!)