UEFA Europa League semi-final khelh zawh a ni a, Manchester United leh Villarreal te chuan final an luta, AS Roma leh Arsenal te erawhin semi-final an pel zo lo.
Champions League lamah English club pahnih Chelsea leh Manchester City te chuan final an khel dawna, Europa League lamah pawh English club pahnihin final an khelh a beiseiawm viau laiin, Arsenal hian final an thleng zo ve ta lo.
Arsenal hian first leg-ah 2-1 a an lo hneh loh tawh Villarreal chu Emirates Stadium-ah lo mikhualin, Arsenal tan hian goal chhuah lova goal khat khung chiah final lut turin ngai mahse, goal an khung thei lova, second leg hi 0-0 in a tawp.
Second leg-ah goal lut a awm loh avangin aggregate-ah 2-1 in Villarreal an chaka, Villarreal hian final an lut. Villarreal manager hi Arsenal-in Mikel Arteta an lak hma chiaha an ban tak Unai Emery a ni nghe nghe a ni.
Arsenal 0-0 Villarreal [agg 1-2]
Player Ratings
Arsenal: Leno 6; Bellerin 7, Holding 7, Mari 7, Tierney 6; Saka 6, Smith-Rowe 7, Partey 6, Oedegaard 6, Pepe 6; Aubameyang 7. Subs: Martinelli 6, Willian 6, Lacazette 6, Nketiah 5.
Villarreal: Rulli 5; Gaspar 6, Albiol 7, Pau Torres 7, Pedraza 6; Trigueros 6, Coquelin 7, Parejo 7, Chukwueze 7; Moreno 6, Alcacer 6. Subs: Pino 7, Bacca 6, Moreno 6, Gomez 6.
Second leg inkhelah Manchester United chuan first leg-a 6-2 an lo hneh tawh, AS Roma chu Stadio Olimpico-ah an tlawha, United hi Rome-ah 3-2 in tlawm mahse aggregate-ah hnehsawh takin an tlang.
Second leg inkhel hi 3-2 niin, aggregate-ah erawh 8-5 in United an chaka, Roma hi Old Trafford-a an goal chhuah tamin a vaw let a ni ber.
United tan hian Edinson Cavani chuan goal hnih a khunga, Roma tan hian Edin Dzeko leh Bryan Cristante te chuan goal an khung bakah, United full-back Alex Telles chuan an lamah a tilut palh bawk.
Goal khung mamawh lo zawk United-in goal an khung hmasa a, first half tawp lamah Cavani chuan United hmahruaina goal a khunga, 1-0 in first half a tawp.
Second half-ah minute sawm chuang an khel tihin Bosnian striker Dzeko chuan Roma si phurh a suta, 1-1 niin, aggregate-ah erawh 3-7 a ni a, Roma hma a la ko hle.
Darkar khat chiah an khelhin Roma hian hma an hruaia, Roma hmahruaina goal hi Christante-a khung a ni. 70mins khelh a nih hma deuhin Cavani chuan United si phurh sutin, 2-2 a ni a, 80mins chuang an khelhin, Zalewski volley chuan Telles fuhin goal-ah a luta, Telles-a own goal anga kal tir a ni.
He inkhelah hian Roma an khel chhe lova, chance pawh an ngah. Roma hian chance ngah mahse United goalkeeper David de Gea a khel tha hle a, De Gea save tha tak tak bakah, first leg-a goal an khung hnem chu United hian an chhawr tangkai hle a ni.
AS Roma 3-2 Manchester United [agg 5-8]
(Dzeko 57’, Christante 60’, Telles 83’OG) (Cavani 39’, 68’)
Player Ratings
AS Roma: Milante 6, Smalling 6, Ibanez 6, Peres 5, Karsdorp 6, Pedro 7, Mancini 6, Cristante 7, Pellegrini 7, Mkhitaryan 8, Dzeko 7. Subs: Darboe 6, Santon 6, Mayoral 6, Zalewski 7.
Manchester United: De Gea 8, Wan Bissaka 6, Maguire 6, Bailly 5, Shaw 6, Fred 6, Pogba 6, Fernandes 7, Van de Beek 5, Greenwood 7, Cavani 8. Subs: Williams 5, Telles 5, Matic 6, Rashford 6, Mata 6.
