Europa League round of 16 second leg inkhelah Arsenal chuan Emirates Stadium-ah Greek club Olympiacos lo mikhualin, mikhual lam Olympiacos hian si khat faiin hnehna an chang.
First leg-ah Arsenal hian 3-1 in hnehna an chang tawha, first leg-a an chak hmang tangkaiin Arsenal hi aggregate-ah 3-2 in an chaka, quarter final an lut.
Second leg inkhelah hian Olympiacos tan Youssef El-Arabi chuan goal a khunga, 82mins-ah Olympiacos player Ousseynou Ba chu hnawhchhuah a ni bawk.
Arsenal 0-1 Olympiacos [agg 3-2]
(El-Arabi 51’)
Player Ratings
Arsenal: Leno 7, Bellerin 5, Luiz 5, Gabriel 6, Tierney 5, Ceballos 4, Elneny 5, Xhaka 5, Pepe 5, Aubameyang 4, Smith Rowe 6... Subs: Chambers 6, Partey 6, Odegaard 6, Martinelli 6.
Olympiacos: Jose Sa 7, Ba 4, Sokratis 6, Holebas 6, Androutsos 6, Camara 6, M'Vila 6, Reabciuk 6, Masouras 6, El Arabi 8, Fortounis 7... Subs: Bruma 6, Randelovic 6.
North London club dang Tottenham chu Croatia-ah zinin, Stadion Maksimir-ah Dinano Zagreb an tlawha, si thum faiin Tottenham an tlawm.
Tottenham hi first leg-ah 2-0 in an chaka, chan tha zawk changin second leh khel mahse Dinamo hian aggregate-ah 3-2 a lo lehthalin, Dinamo Zagreb hian quarter final an luta, Tottenham erawh an zinkawng a tawp ta rih.
Second leg inkhelah goal thum lut hi Mislav Orsic-a khung vek a ni a, goal hmasa ber hi darkar khat chuang hret khelh a niha lut niin, Orsic chuan box chin vel chiah chiahah dinglam atangin mawi em emin goal-ah ball a chhuih lut.
80mins chuang hret khelh a nihin Dinamo hian an goal hnihna an khunga, Atienwen-a pass chu Orsic hian goal ah lo chantirin, 2-0 a ni a, aggregate ah 2-2 a ni.
Aggregate ah 2-2 a ni a, a tua zawk mahin away goal an neih loh avangin Extra Time khelh a ni a, ET half time hnu lawkah Orsic chuan Dinamo goal thumna khungin, 3-0 in Croatian club hi an chak ta a ni.
Dinamo Zagreb 3-0 Tottenham [agg 3-2]
(Orsic 62’, 82’, 106’)
Player Ratings
Dinamo Zagreb: Livakovic 9; Ristovski 7, Lauritsen 7, Theophile-Catherine 7, Franjic 7; Majer 8, Jakic 7, Ademi 8; Ivanusec 7, Orsic 10; Petkovic 7. Subs: Atiemwen 7, Leovac 7, Gavranovic 7, Misic 7, Stojanovic 7, Peric 7.
Tottenham Hotspur: Lloris 7; Aurier 5, Sánchez 5, Dier 4, Davies 4; Sissoko 4, Winks 3; Lamela 5, Dele 5, Lucas Moura 5; Kane 5. Subs: Bale 5, Lo Celso 6, Ndombele 6, Vinicius 3, Reguilon 5, Bergwijn 5.
