UEFA Super Cup hmuhnawm takah Barcelona chuan 5-4 in La Liga club tho Sevilla an hneh a, he match-ah hian free kick mawi tak tak vawi thum lai kan hmu. Hun pangaiah 4-4 in an inhnehtawk a, extra time khelh a nih hnuah bench atanga rawn lut Pedro chuan Barcelona chakna goal a khung ta a, 5-4 in Barcelona chuan hnehna an chang ta a ni.
Barcelona 5-4 Sevilla
(Messi 7′, 15′ , Rafina 44′, Suárez 52′, Pedro 115′)
(Banega 3′, Reyes 57′, Gameiro 72′ pen, Konoplyanka 81′)
Barcelona : ter Stegen, Dani Alves, Piqué, Mascherano (Pedro - 93'), Mathieu, Rakitic, Busquets, Iniesta (Sergi - 63' ), Messi, Suárez, Alcántara do Nascimento (Bartra - 78' )
Sevilla : Beto, Andújar Moreno, Rami, Krychowiak , Trémoulinas, Krohn-Dehli , Banega, Reyes (Konoplyanka - 68' ), Iborra (Ferreira Filho - 80' ), Machín Pérez, Gameiro (Immobile - 80' )
Inkhel hmuhnawm tak a ni a, goal 9 lai a lut a, freekick goal mawi tak pathum kan hmu bawk a, 4-1 atanga 4-4 a rawn comeback kan hmu bawk. Season hmasa Champions League winner Barcelona leh Europa League winner Sevilla te inkhel hi a hmuhnawm khawp mai.
Minute 10 chhungin goal hnih kan hmu hman a, Sevilla tan Banega chuan min 3-na lekah mawi tak maiin freekick hmangin goal a rawn thun nghal a, Messi a rawn che ve nghal, ani pawh hian freekick hmang vekin min 7-na ah goal mawi em em a rawn thun ve leh.
Messi vek hian freekick hmang bawkin min 16-naah goal mawi tak mai a rawn thun belh leh a, 2-1 in Barcelona chuan hma an hruai, first half tawp dawn minute khat la awmin Barcelona chuan Rafina hmangin an hmahruaina an belhchhah leh, halftime a nih chuan 3-1 laiin Barcelona chuan hma an hruai.
Seacond half tan a ni chiah tihin Suarez chuan Barca tan goal dang khung lehin, 4-1 laiin hma an hruai ta. Barcelona an chak dawn chiang tawh niin a lang. Amaherawhchu ropui takin Sevilla an rawn kir leh a, Jose Antonio Reyes chuan 57th mins-ah Sevilla tan goal rawn khungin, 72nd mins-ah penalty hmangin Gameiro chuan Sevilla beiseina a rawn siam thar leh ta, hun tawp dawn minute 9 la awmin Konoplyanka chuan an siphurh a rawn sut zo ta tlat mai le. 4-4 a ni, hun pangaiah an inhnehtawk avangin extra time khelh a ni ta a.
Penalty shootout an nei ngei dawn nia a lan tawh hnu 115 mins-ah Manchester United lama kal duh bench atanga rawn lut Pedro chuan Barcelona chakna goal a khung ta. 5-4 in Barcelona chuan UEFA Super Cup an chawi ta a ni.
Barcelona defender Javier Mascherano chuan,"Entute tan chuan a hmuhnawm khawp ngei ang le,chutih laiin hma nasa taka kan hruai hnuah kan chesual teuh hle a, hnehna kan chang hi ka lawm hle, chutih laiin hmasawnna tur erawh kan la nei nual a ni," tiin a sawi.
Chakna goal khungtu Pedro chuan,"Chakna goal ka khung, mahse team thawh rah a ni e, hnehna kan chan avangin ka lawm hle," tiin a sawi bawk. Man of the match-ah Lionel Messi thlan a ni a, Free kick mawi tak takin vawi hnih a chhuih luh hnuah chakna goal a luh theih nan free kick Messi hian a pet bawk a ni.
Barcelona hian kumin chhung hian trophy lian 4 an la ta a, La Liga , Champions League, Copa del Rey leh UEFA Super Cup te chu an kutah a awm tawh, trophy 6 lak ngei an tum ruh hle, Spanish Super Cup leh December thla hian 2015 Fifa Club World Cup khelh tur an la nei. Tun zirtawpni hian Athletic Bilbao nen Spanish Super Cup 1st leg an khel anga, karleh thawhtanniah second leg an khel leh anga. Trophy dang pahnih hi la thei tak maw ? Kum khat chhunga trophy 6 an la a nih ngat chuan club record ropui tak a ni dawn a ni.
picture credit : Reuters