16 Dec 2019 05:40

inkhel

UEFA Champions League Last 16 fixture

Group stage an khelh zawh hnuah UEFA Champions League last-16 a intum tur an pawt fel a. Champion lai Liverpool chuan Atletico Madrid an hmachhawn dawn a, Real Madrid chuan Manchester City an hmachhawn ang.

Season liam taah khan Manchester City chuan quarter final an pal tlang zo ta lo a, vawi 13 ngawt Champions League title lo la tawh Real Madrid hi an la hneh thei miah lo a. Anni pahnih inkhelh tawhah hian vawi hnih an inhnehtawk a, vawi hnih chu Premier League champion lai hi an tlawm tawh a ni.

Serie A champion Juventus chuan Olympique Lyonnais an hmachhawn ang a, Ligue 1 champion Paris Saint-Germain chuan Bundesliga club lian Borussia Dortmund an hmachhawn dawn a ni.

La Liga champion Barcelona chuan Serie A club lian Napoli an hmachhawn ang a, season hmasaa finalist Tottenham Hotspur chuan last-16 vawi khat khel ve tur RB Leipzig an hmachhawn dawn a. 2012 finalist pahnih Chelsea leh Bayern Munich te chu an inhmachhawn dawn bawk a ni.

Round of 16 first leg hi February 18-19, 2020 leh February 25-26, 2020 ah te an khel ang a, second leg chu March 10-11, 2020 leh March 17-18, 2020 ah an khel dawn bawk a. Quarter final, semi final leh final draw chu March 20, 2020 ah an nei ang.

Round of 16:

Borussia Dortmund vs Paris Saint-Germain

Real Madrid vs Manchester City

Atalanta vs Valencia

Atletico Madrid vs Liverpool

Chelsea vs Bayern Munich

Olympique Lyonnais vs Juventus

Tottenham Hotspur vs RB Leipzig

Napoli vs Barcelona