- Morata hi UCL season khata semi-final 1st leg, 2nd leg leh final a goal khung vek thei 2-na a ni a, 2012/13 season khan Bayern Munchen winger Robben hian a lo khung vek tawh bawk a ni.

- Hei chu kan hre nual tawh maithei. UCL ah Xavi hi tum 151 lai inlan ta a, a inlan hnem ber bawk.

- CL/European Cup final ah Juventus hi vawi ruk lai tlawm tawhin final a tlawm ngun ber an ni.

- UCL chanchinah Barcelona hi season khat chhunga player pahnih goal 10 khung thei nei hmasa ber an ni. (Messi & Neymar)

- Suarez hi European Cup/UCL final a Uruguayan goal khung thei 3-na a ni a, Schiaffino leh Godín ten final goal an lo khung ve tawh a ni.

- Andres Iniesta hi Champions League final pathuma assist nei thei player hmasa ber leh awmchhun a ni. Pui mep mep khawp mai.

- Tun season CL final goal hmasa ber minute li a Rakitic a thun kha UCL final a goal lut rang ber pathumna a ni a, 2005 khan Maldini chuan 1' ah lo thun tawhin 2001 ah Mendieta chuan minute 3-na ah a lo thun ve tawh bawk.

- Juventus player CL final khelte kum chawhrual kha kum 30 leh ni 153 a ni a, 2007 finala Milan player te kum chawhrual tih loha upa ber an ni.