UEFA Champions League inkhelah inkhel hmuhnawm tak tak kan hmu leha, Europe-a club lian ber berte inlan lehin chung zinga langsar ber chu Bayern Munich-in Tottenham chu London-ah 7-2 laiin an sawp hi a tih theih awm e.
London-ah Bayern Munich an tlangnel
Group B inkhelah Tottenham chuan Tottenham Hotspur Stadium-ah German heavyweight Bayern Munich an lo mikhuala, Tottenham hian goal hnih khung mahse an mikhual Bayern hian goal sarih lai an khung.
Inkhel tan tir lamah Tottenham hian Heung-min Son-a goal hmangin hma hruai hmasa zet mai se Bayern an chhaih kawlh a ni bera, Joshua Kimmich chuan minute thum hnuah Bayern si phurh a sut ve leh nghal. Bayern tan hian Arsenal player hlui Serge Gnabry chuan goal li lai a khunga, Robert Lewandowski chuan goal hnih khung bawkin, Spurs tan hian Son bakah Harry Kane chuan penalty spot atang goal khat a khung ve bawk.
Group B inkhel dangah Crvena zvezda chuan Olympiacos chu 3-1 in an hneh bawk. Bayern hian khelh hnihah hnehna an la chan ve ve avangin point ruk an hlawhchhuak tawha, group hmahruaitu an ni mek. Crvena chuan khelh hnihah point thum neiin pahnihnaah an awma, point khat nei Tottenham chu pathumnaah awmin, point khat tho nei Olympiacos chu a hnuai berah an awm.
Tottenham 2-7 Bayern Munich
(Son 12’, Kane 61’pen) (Kimmich 15’, Lewandowski 45’, 87’, Gnabry 53’, 55’, 83’, 88’)
Player Ratings:
Tottenham - Lloris 5, Aurier 4, Alderweireld 5, Vertonghen 5, Rose 4, Winks 5, Ndombele 7, Sissoko 5, Dele 6, Son 7, Kane 5. Subs - Eriksen 5, Lamela 5, Moura 5.
Bayern Munich - Neuer 6, Pavard 7, Sule 6, Boateng 7, Alaba 6, Kimmich 8, Tolisso 7, Gnabry 9, Coutinho 8, Coman 8, Lewandowski 8. Subs - Thiago 7, Perisic 5, Martinez 5.
Real Madrid-in point an hlawhchhuak hram
Group A inkhelah Real Madrid chuan Santiago Bernabeu-ah Club Brugge an lo mikhuala, Real hian si hnih an phurh hnuah an si phurh te an rul leha, 2-2 in team hnihte an inhnehtawk.
First half-ah Club Brugge hian Emmanuel Bonaventure-a goal hnih hmangin hma an hruaia, second-ah Sergio Ramos leh Casemiro-te chuan Los Blancos si phurh an rul. Inkhel tawp hma deuh lawkin Club Brugge captain Ruud Vormer chu hnawhchhuah a ni.
Group A inkhel dangah Paris Saint-Germain chuan Turk Telekom Arena-ah Galatasaray an tlawha, PSG hi Mauro Icardi-a goal hmanga chakin point thum an hlawhchhuak. Group A-ah hian PSG chuan point ruk hlawhchhuak tawhin hma an hruaia, pahnihnaah point hnih nei mek Club Brugge awmin, point khat nei Galatasaray chu pathumnaah an awma, Real Madrid pawhin point khat chiah la hlawhchhuakin, group table mawngphahah an awm mek a ni.
Real Madrid 2-2 Club Brugge
(Ramos 55’, Casemiro 85’) (Bonaventure 9’, 39’)
Player Ratings
Real Madrid: Courtois 5; Carvajal 7, Ramos 7, Varane 6, Nacho 6; Modric 6, Casemiro 8, Kroos 8; Hazard 6, Benzema 7, Lucas V 6 Subs: Areola 6, Marcelo 6, Vinicius Jr 6
Club Brugge: Mignolet 7; Sobol 7, Deli 6, Mechele 6, Mata 6; Rits 6; Vanaken 6, Vormer 5; Tau 7, Diatta 7; Dennis 8 Subs: Cools 6, Schrijvers N/A, Openda 5
Manchester City tan point thum
Group C inkhelah Manchester City chuan Etihad Stadium-ah Dinamo Zagreb an lo mikhuala, City hian an mikhual hi si hnih faiin an lo hneh.
City tan hian Raheem Sterling leh Phil Foden-te chuan goal an khunga, City chu point thum hlu tak an hlawhchhuahpui.
Group C inkhel dangah Atalanta chuan an mikhual Shakhtar Donetsk chu 2-1 in an hneh lo bawka, ti hian khelh hniha point ruk hlawhchhuak tawh City chu hmahruaitu niin, an hnuai chiahah point thum nei Dinamo Zagreb an awma, pathumnaah point thum nei bawk Shakhtar awmin, a hnuai berah point la hlawhchhuak lo Atalanta an awm thung a ni.
Manchester City 2-0 Dinamo Zagreb
(Sterling 66’, Foden 90+5’)
Player Ratings
Manchester City: Ederson 6, Cancelo 7, Fernandinho 7, Otamendi 6, Mendy 5, Gundogan 6, Rodri 6, D. Silva 6, B. Silva 5, Mahrez 6, Aguero 5. Subs: Sterling 8, Jesus 5, Foden 7.
Dinamo Zagreb: Livakovic 8, Stojanovic 6, Theophile-Catherine 6, Dilaver 7, Peric 7, Leovac 6, Ademi 5, Moro 5, Orsic 6, Olmo 6, Petkovic 5. Subs: Gavranovic 5, Gojak 5, Atirmwen 5.
Juventus an chak nuamsa
Group D inkhelah Juventus chuan Juventus Stadium-ah German club Bayer Leverskusen an lo mikhuala, Juve hi si thum faiin an chak.
Juventus tan hian Gonzalo Higuain, Federico Bernardeschi leh Cristiano Ronaldo-te chuan goal khat theuh khungin an team chu point thum an hlawhchhuahpui.
Group D inkhel dangah Atletico Madrid chuan Russian club Lokomotiv Moscow an tlawha, Atletico hi si hnih faia chakin Joao Felix leh Thomas Partey-te chuan goal an khung.
Juventus chuan khelh hnihah point li hlawhchhuakin group hmahruaitu an ni meka, an hnuai chiahah Atletico awmin, Atletico pawh hian point li bawk an hlawhchhuak tawh. Pathumnaah Lokomotiv Moscow awmin, point thum an nei tawha, a hnuai berah point la hlawhchhuak lo Bayer Leverkusen an awm thung a ni.
Juventus 3-0 Bayer Leverkusen
(Higuain 17’, Bernardeschi 61’, Ronaldo 88’)
Player Ratings
Juventus: Szczesny 6, Alex Sandro 6, De Ligt 7, Bonucci 7, Cuadrado 7, Matuidi 6, Pjanic 6, Khedira 6, Bernardeschi 7, Ronaldo 7, Higuain 8 Subs: Bentancur 5, Ramsey n/a, Dybala n/a
Bayer Leverkusen: Hradecky 7, Wendell 6, Bender 6, Tah 5, Wieser 6, Demirbay 5, Baumgartlinger 5, Aranguiz 6, Havertz 6, Alario 6, Volland 6 Subs: Amiri 6, Paulinho 6, Sinkgraven n/a
