Philips Stadium-ah Manchester United chuan Dutch club PSV an len chilh a, United chuan goal khung hmasa mahse PSV lamin an lehthal a, 2-1 in mual neitu an chak ta zawk a ni.
Manchester United hian an striker Wayne Rooney chu hamstring hliam vangin an chhawr thei lo. Depay chuan a club hlui a hmachhawn a, Monaco atanga teenager man to bera an lei leh Liverpool lama goal ropui khungtu Martial chuan first XI a chang nghal a.
PSV 2-1 Manchester United
(Hector Moreno 45', Luciano Narsingh 57') (Depay 41')
PSV : Zoet, Arias, Bruma, Brenet, Propper, Hendrix, Guardado (Schaars - 72' ), Narsingh, de Jong, Lestienne (Locadia - 86' )
Man Utd : De Gea, Darmian, Smalling, Blind, Shaw (Rojo - 24' ), Schweinsteiger, Herrera (Fellaini - 75' ), Young (A Valencia - 86' ), Mata, Depay, Martial
Man Utd tan Depay chuan an club hlui lamah goal mawi tak khung mahse Moreno chuan set piece atangin PSV si phurh a rul a, hemi hnu lawkah Narsigh chuan PSV chakna goal a khung chhunzawm a, 2-1 PSV an chak ta a ni.
Inkhelh tan atangin Manchester United chuan mual veilam atangin PSV an nawr nghal a, minute 15 pawh an khelh tlin hmain Man Utd left back Luke Shaw chu lakchhuah a ngai tlat mai. Moreno tackle avangin Shaw ke dinglam a tliak a, zawnchhuah niin Shaw hi Rojo chuan a rawn thlak a. ni First half tawp dawn minute 5 chhungin goal hnih a lut.
41st mins-ah mual veilam atangin Depay chuan box chhungah ball a lalut a, PSV defender pahnih mawi taka a bum hnuah a ke veilam chuan a pet goal chhunzawm, a club hlui lakah goal mawi tak a khung a, Champions League (qualifying chhiar telin)-ah Manchester United tan Depay hian goal thum a khung ta der mai.
United hian hma an hruai rei lo, 45+2 mins-ah PSV chuan croner an hlawh chhuak a, Maxime Lestienne pet tha zet chu Héctor Moreno chuan a tauh goal, half time a nih chuan 1-1 in an inhnehtawk a ni. Rei an khelh leh hmain PSV chuan Narsigh hmangin goal dang an khung lehnghal zat mai. 57th mins-ah veilam sir atanga Maxime Lestienne cross tha zet chu Narsingh chuan a tauh goal a, he goal hi PSV chakna goal a ni chhunzawm ta a ni.
Mikhual Man Utd hian ball chu an chang hnem hle a, possession pawh 67 per cent lai nei mahse hei hi tangkaiah an chantir thei ta lo. Shots vawi 17 lai United-in an nei a, PSV erawhin vawi 6 chiah an nei a, shot on target pawh vawi 4 chiah an nei. Hetih lai hian an goal hnih khung erawh shot on target an neih vawi hnihah vawi hnih an ti goal a, United erawhin shot on target vawi 5 an nei thung a ni.
Group B match dangah Wolfsburg chuan si khat faiin CSKA Moscow an hneh a, goal awmchhun hi 40th mins-a Draxler khung a ni.