Borussia-Park ah Manchester City chuan Borussia Moenchengladbach an tlawh a, mual neitu hian Stindl hmangin goal khung hmasa mahse Otamendi leh Aguero hmangin City hian an chhang let a, mikhual Man City hian 2-1 in hnehna an chang ta a ni.
Zan hmasa lamah London club pahnih Arsenal leh Chelsea te chuan an khingpui an hneh zo lo ve ve a, Manchester khaw club pahnihte erawhin an khingpui 2-1 in an hneh ve ve a ni.
Borussia Moenchengladbach 1-2 Manchester City
(Stindl 54′) (Otamendi 65' Agüero 90' pen)
PLAYER RATINGS (data source : eurosport)
CITY: Hart 10, Sagna 7, Otamendi 5, Demichelis 5, Kolarov 5, Fernandinho 6, Yaya Toure 4, Sterling 7, De Bruyne 7, Silva 5, Aguero 8.
Subs: Fernando 7, Navas 7, Zabaleta 6
GLADBACH: Sommer 8; Johnson 6, Christensen 6, Dominguez 6, Wendt 6; Stindl 8, Xhaka 7; Dahoud 7, Korb 7, Hermann 8; Raffael 9.
Subs: Hahn 8, Nordtveit 7, Traore 6
First half-ah goal a lut lova, mual neitu Borussia Moenchengladbach an khel tha zawk a, 18th mins-ah Nicolás Otamendi chuan Raffael a ti tlu a, referee chuan penalty a ham. He penalty hi Raffael chuan a pet, mahse Man City goalkeeper Hart chuan tha zetin a lo dang a ni.
City hian chance vawi hnih vel an nei a, Aguero chuan chance tha zet a thelh nghe nghe, Borussia Moenchengladbach hian first half-ah chance an nei hlauhawm zawk a, Raffael chuan vawi thum lai goal khungna chance a nei, mahse Hart chuan a lo dang hlawm a ni.
Second half tan a ni a, Borussia Moenchengladbach chuan goal an khung nghal deuh mai, Julian Korb pek tha zet chu box lai atangin kawh zet zawtin Lars Stindl chuan a pet goal, Borussia Moenchengladbach chuan si khat faiin hma an hruai.
Second half 65th mins-ah Manchester City chuan set piece atangin an si phurh an rul a, corner atanga ball lo kal chu Demichelis chuan a tauh a, goal line atangin Borussia Mönchengladba defender ten an clear, hei hi Otamendi chuan chiang set sawtin a pet goal chhunzawm ta a ni.
Hun tawp dawn tak tak 90 mins-ah Aguero chuan penalty atangin chakna goal a khung a, Aguero lakah Fabian Johnson a foul, referee chuan penalty a ham a, a hlawhchhuaktu Aguero chuan goal-ah a chantir, 2-1 in mikhual Manchester City chuan hnehna an chang ta a ni.
Group D match pakhat zawkah Juventus chuan si hnih faiin Sevilla an hneh a, Juventus tan Morata chuan 41st mins-ah goal hmahruai a khung a, hun tawp dawn minute 3 la awmin Simone Zaza chuan Juventus goal hnihna a khung leh a ni. Group D-ah hian Juventus chuan point 6 neiin hma an hruai a, Sevilla leh Man City ten point 3 ve ve an nei a, VfL Borussia Mönchengladbach erawhin point an la hlawhchhuak ve lo a ni.