New Delhi a Under 17 Subroto Cup Dr Ambedkar Stadium-a khelh mekah SYS Academy hminga kal Mizoram chuan an match hmasa ber september 30, 2015 (Nilaini) zing khan Sikim 4-1 in an hneh.
In khelh tan atanga 6mins-ah Sikim hian goal an thun hmasa a, Mizoram tan 24mins-ah B Lalnuntluanga chuan free kick atangin an siphur a rul a, 33mins-ah M Lalrintluanga chuan goal hnih na tur thunin, Mizoram hian 2-1 in first half-ah hma an hruai a.
Second half-ah Mizoram tan 50mins-ah M Lalrintluanga bawkin goal thum na thun chhunzawmin, 56mins-ah penalty mizoram in an hlawh chuah chu HK Lalhruaitluanga chuan goal-ah chantir in, 4-1 in hnehna an chang ta a ni. October 1, Ningani zing dar 9:30 ah Car Nicobar nen an in khel leh dawn a ni.
Mizoram hi group C-ah awmin, an khel dan tur:-
October 2, 2015 (Zirtawpni) zing dar 08:00 ah SAI East Bengal nen Air Force Ground-ah an khel ang.
October 3, 2015 (Inrinni) zing dar 08:00 ah Maharastra nen Dr Ambedkar Stadium-ah an khel leh ang a.
October 4, 2015 (Pathianni) zing dar 09:30 ah SAI Assam nen Dr Ambedkar Stadium-ah an khel leh ang.
Unde 17 Mizoram team te hi Sports & Youth Services Department tirh SYS Academy Lunglei a zirlaite an ni.
Mizoram Subroto Team U-17 Player te :
1.Sylyana R.Lalruatkima Lungmual,Lunglei 2.K.Lalruatkima Venglai,Champhai 3.Jakob Vanlalhlimpuia Hnahthial 4.Lalneihsanga Rengtekawn,Kolasib 5.Jonathan Fanai Rahsi Veng,Lunglei 6.C.Lalhrilzela Hualngohmun 7.C.Lalduhawma Serkawn,Lunglei 8.Challiantluanga Chaltlang,Aizawl 9.HK Lalhruaitluanga Chanmari,Lunglei 10.F.Malsawmtluanga New Champhai 11.F.Lalrintluanga Bethlehem Vengthang,Aizawl 12.B.Lalnuntluanga Ramzotlang,Lunglei 13.Lalrintluanga Farm Veng,Lunglei 14.Laltanpuia Pialtu Ramzotlang,Lunglei 15.Lalnunpuia Zohnuai,Lunglei 16.V.Lalengzama Electric Veng,Lunglei
Coach: R.Lalmuankima Bazar Veng,Lunglei
Manager: Malsawma Khiangte, Bethlehem,Aizaw