Tyson Fury a che chhe chhunzawm zel a, Waldimir Klitscho nena inhneh tur atanga a inhnuhdawn hnuin drug test a paltlang zo lo tih puan chhunzawm a ni. Fury hian WBA, WBO leh IBO title a kawl mek a, heng hi chhuhsak vek a nih a rinawm.

Tyson Fury hian a inhnuhdawn hma khan Voluntary Anti-Doping Agency(VADA) kaltlangin test a nei a, a taksaah cocaine hmanna hnuhma hmuh a ni. VADA President Dr Margaret Goodman chuan he thu hi boxer pahnih enkawltute a hriattir ve ve tawh a ni.

Fury hi nikum November khan UK Anti-Doping Agency chuan damdawi hman phal loh nandrolone hmangah a lo puh tawh bawk a, November ni 5 hian UK ADA hmaa inlan tur a ni nghe nghe. Fury hi British Boxing Board of Control chuan a hrem ngei rin a ni a, a career dinhmun dinhmun loh takah a ding mek a ni.