14 Nov 2020 11:47

bakteaJr.

Mizo tlangval

​Turkish GP qualifying-ah Racing Point an che tha

Turkish Grand Prix atana qualifying tlanah Racing Point an che tha hle a, Racing Point driver Lance Stroll chuan pole position changin, Racing Point driver dang Sergio Perez chu pathumnaah a awm bawk.

Turkish GP qualifying-ah hian Mercedes driver Lewis Hamilton chu paruknaah a awma, Mercedes driver dang Valterri Bottas chu pakuanaah an awm ve thung.

Red Bull driver Max Verstappen chu pahnihnaah awmin, Verstappen hian Canadian driver Lance Stroll chu 0.290 second-in a pha lova, Stroll hian a career-ah a vawi khat nan pole position a chang.

Hetiang taka Mercedes an chet chhiat chhan hi ruah sur tam lutuk vang niin a langa, midang tan vanneihna a ni ve thung.

Turkish GP-ah hian Hamilton chuan a Formula One title pasarihna lain, Michael Schumacher-a record nihrualna hun tha a nei a, parukna atang daihin tan dawn mahse, Bottas chuan point 7 tala Hamilton a khum loh chuan Hamilton hi a chak tawh dawn tho tho a ni.