Tunhma angin Italian Serie A ropui tawh lem lo mahse player tha tak tak an la ther fur a, Champions League final khel turin Serie A hmahruaitu Juventus an inpetling bawk.

Italy hi defending thiam ram tia hriat lar an ni a, defender pawh an nei tha thin hle. Serie A-ah pawh club tam zawkin defending an ngai pawimawh hmasa zawk tlangpui tih theih a ni bawk. Striker tha tak an lo khel tawh thin a, 80's leh 90's chhoah kha chuan Italian club te'n Europe an thunun hneh hle kan ti ngam awm e.

Tun hnaiah Seria A-in hma a sawn chho leh tan a, player hmuhnawm tak tak leh goal khung thei an awm nual a ni. Serie A season kal mekah Roma striker Edin Dzeko-a'n goal 27 khungin top scorer la ni mek mahse game 3 khelh tur la awmah hian a hnuai awm striker-te tan umphak theih a la ni.

A hnuaiah hian season kal meka top scorer ni thei striker-te leh an club khelhna kan tarlang a. Game khelh tur an la neih zat leh an team hmachhawn turte kan thailang tel bawk e:

Edin Dzeko (Roma) 27 goals/35 games

game khelh hmabak: Juventus (H), Chievo (A), Genoa (H)

Andrea Belotti (Torino) 25 goals/32 games

game khelh hmabak: Napoli (H), Genoa (A), Sassuolo (H)

Mauro Icardi (Inter) 24 goals/33 games

game khelh hmabak: Sassuolo (H), Lazio (A), Udinese (H)

Dries Mertens (Napoli) 24 goals/32 games

Remaining games: Torino (A), Fiorentina (H), Sampdoria (A)

Gonzalo Higuain (Juventus) 24 goals/35 games

game khelh hmabak: Roma (A), Crotone (H), Bologna (A)