FIFA 16 chuan Theo Walcott tlan chak berin siam mahse a takah erawh a ni tlat lo. Tun season English Premier League-a tlan chak ber an lo chu Leicester City striker Jamie Vardy a ni tlat mai.
2-1 a West Ham an hneh tum khan he England International hian 35.44km/hr a clocked. Match tina player tlanchakna lakkhawm a ni a, chutah chuan Ranieri player te an tlanchak hle tih a hriat.
Leicester City-in Bournemouth an hmachhawn tum khan Jeffrey Schlupp (35.26km/hr) leh Marc Albrighton (35km/hr) record kan hmu a. Stoke City player Mame Biram Diouf pawhin August thlaa Norwich an hmachhawn tumin 34.97 km/hr a clocked bawk a ni.
Player Tracking System tha tak duang tu TRACAB chuan Premier League player te chet vel dan a lo thlir reng a, tun season-a Premier League player tlan chak dan hetiang hian a rawn tarlang a.
