Premier League inkhelah North London derby kan hmu dawn a, Emirates Stadium-ah Arsenal chuan Tottenham an lo mikhual dawn.

Premier League table-ah Tottenham hi Arsenal aiin an sang zawk a, khelh 13 point 30 hmu tawhin pathumnaah an awm a, Arsenal hi panganaah awmin khelh 13-ah point 27 an hmu ve tawh thung.

Arsenal manager Unai Emery chuan tun dinhmunah Tottenham chu Arsenal aia an that thu sawiin, “Tun dinhmunah chuan Tottenham hi Arsenal aiin table-ah an sang zawk a, nikum lamah pawh Arsenal aiin an tha zawk. Mahse hun rei zawk thlir kir chuan Arsenal an tha zawk.

“Inkhel boruak nuam tak a ni dawn in ka hria. Kan stadium-ah match hmasa zawk kan khel dawn a, kan supportter-te hmuhah hian tha taka khelh kan duh a, tang sauh sauh tura fuihtu kan ni duh,” a ti.

Emery hnuaiah Arsenal an kal tluang hle a, season tan tira Manchester City leh Chelsea an hneh loh hnuah an kal tluang chho hle a, hma an sawn zel pawhin a lang. Kan hriat theuh angin Emery hian kum 22 chhung Arsenal lo enkawltu Arsene Wenger a thlaka, Emery hnuaiah hian Gunners hian siamthar lehna an chang dawn nge chang dawn lo tih chu season tawpah a hriat dawn a ni.