13 Feb 2020 09:23

bakteaJr.

Mizo tlangval

​Tun thlaah Barca-in Willian Jose an lak luh hmel

Barcelona chuan an player Ousmane Dembele chu na taka inhliam tak si avagin Real Sociedad forward Willian Jose chu an lak luh tum ber zinga mi a ni tih Sky Sports chuan a tarlang.

Tun kar khan Dembele chu hamstring injury avanga zai niin, thla 6 a chawlh tur thu Barca hian an lo puang tawha, hemi a nih avang hian Dembele thlak tu tur hi an melh nghal niin a lang.

Barca hian Spanish Football Federation leh La Liga hnenah Dembele thlak tu tur lei an dilna, an dilna hi Spanish Football Federation leh La Liga hian pawmin, tun thla hian Willian Jose chuan Barca a zawm lovang tih a sawi theih loh.

Spanish Football Federation hian dan an nei a, an danah hian player te thla li aia rei inhliam avanga an chawlh a ngaih dawn chuan club-te’n an mahni thlak tu tur chu transfer window inhawn lai nilo mahse Spain ram chhunga khel ngei an la lut thei tih a ni a, hemi dan hmang hian Barca chuan Willian Jose hi an la lut dawn niin a lang mek.

Barca hian dilna an thehluta, Spanish Football Federation leh La Liga lam hian an pawm ve ve tawh avangin player lak luhna hun an nei meka, mahse ni 15 chhungin Dembele thlak tu tur hi an lak luh a ngai thunga, an muangchang thei lo.

Brazilian forward kum 28 mi Willian Jose hian kum 2016 khan Uruguayan club Deportivo Maldonado atangin Real Sociedad hi a pana, Sociedad tan vawi 132 inlan tawhin goal 53 a khung tawh a ni.