England player ropui ni thin, tuna BT Sports tana thawk mek Gary Lineker chuan tun season Champions League-ah Manchester United chuan chance an neih loh thu leh an thenawm Manchester City erawh chuan champion theih hialna khawpa chance tha an neih thu a sawi chhuak.
Zanin hian Champions League Group Stage khelh tan a ni dawn a, Manchester United chuan PSV an tlawh dawn, Manchester City erawhin nikuma Champions League finalits Juventus an mikhual dawn. England tana goal khung hnem ber Wayne Rooney erawh zanin hian inhliam vangin Man Utd tan a inlan ve thei dawn lo a ni.
Lineker chuan,"Manchester United hian insiamremna hun pawimawh tak an hmang mek, tun season pawh hian ka beisei lo, an fans te hmanhmawh lo se, ngai an awh leh hun ngak hram se. Chutih laiin Manchester City erawh Europe-ah an che tha lo thin hle, mahse tun season erawh bul an tan tha a, an that tak tak leh tak tak loh kan thlir tawh ang chu. Pellegrini hian game hrang hrang khel turin player a nei tha tawh a.
"Winger pahnih striker pahnih hmanga team tha tak hmachhawn a hlauhawm zia kan sawi thin. Pellegrini erawh chuan team tha ber hmachhawn thei tur pawhin player remkhawm tur a nei tha tawh tlat a ni. Chelsea hi kan ngaihthah mai tur a ni bik lo. Season bul an tan tha lo a ni mai a, an rawn kir leh vat ang. Arsenal erawh Premier League-ah top 3-ah an inhlankai phak ka ring. Europe-ah pawh an che chhe em em lovang.
"Goal khung thei an nei tam lo hret a, defence lamah pawh tlemin an pan hret niin ka hria. Last 16-ah chuan an inhlankai hrim hrim ka ring a ni. Tin, Europe-a kan English club kan chet chhiat thin nachhan chu ka sawi tawh thin angin chawlh hahdamna hun kan nei tlem a, Krismas vuakvetah kan fixture hahthlak tak kan nei thin a, hei hian club te a ti chhia a ni," tiin a sawi.
Zanin/naktuk zing : Champions League Fixtures
Group A
12:15 AM Paris Saint Germain vs Malmoe FF
12:15 AM Real Madrid vs Shakhtar Donetsk (LIVE @ Ten HD)
Group B
12:15 AM PSV Eindhoven vs Manchester United (LIVE @ Tensport)
12:15 AM Wolfsburg vs CSKA Moscow
Group C
12:15 AM Benfica vs FC Astana
12:15 AM Galatasaray vs Atletico Madrid
Group D 16
12:15 AM Manchester City vs Juventus (LIVE @ Ten Action)
12:15 AM Sevilla vs Borussia Moenchengladbach
picture credit : Getty