Tun season hi Lamela tan season pawimawh tak a ni - Pochettino

16th September 2015, 08:09PM

Spurs boss Mauricio Pochettino chuan Tottenham Hotspur midfielder Erik Lamela tan tun season hi a pawimawh hle a, a chet that tawh ngei pawh ka ring a ti.

Club record fee £25.7m a an lakluh kum 23 a upa Argentina international hian season hmasa khan league goal hnih chiah a khunga, Spurs legend Ossie Ardiles phei chuan Lionel Messi thar ni te in a sawi hman hial tawh a nih kha.

Season hnih White Hart Lane ah a hmang liam ve tawha, tun season chu a chet that tak tak tawh ngei ka ring tiin Pochettino chuan a sawi bawk.

Tun season PL a an chak hmasak berna Sunderland laka Spurs goal thun kha Lamela-a assist a ni a, nikum Europa League ah "rabona-style" in goal mawi lutuk a khung tawh bawk a nih kha.

Lamela hi a club hmasa Roma tan khan a che chhe lem lova, game 33 ah goal 15 lai a khung ve hman a ni.

Copyright © inkhel.com 2024. All rights reserved.