26 Mar 2020 07:52

bakteaJr.

Mizo tlangval

​Tun season chu ka tan insiamrem kum a nimai: Hazard

Real Madrid-in nikuma an lei Eden Hazard chu duh angin a khel tam lo hle a, hliamin a tlakbuak reng avangin tum ang pawhin a khel tha thei lova, Belgian player hian tun season chu insiamrem kumah a puang a ni deuh ber.

Real hian nikum nipui lai lkhan Belgium captain Hazard hi Chelsea atangin pound maktaduai 100 vel sengin an la luta, a man hi pound maktaduai 130 vel thleng pawh kai chho thei tura ngaih ni mahse season kal mekah Hazard hi Real tan vawi 15 bak a la inlan lo.

Hazard hian Chelsea tana a season hnuhnung berah goal 21 a khunga, Premier League-a player tha ber anga ngaih ni thin mahse Real lamah erawh a thiamna tih lanna hun a la nei thei meuh lo.

Hazard chuan, “Real Madrid-a ka season hmasa ber hi a lungawi thlak lova, a vai chuan a ni lo. Tun season hi chu insiamrem kum a ni a, ka season hnihna atang hian min teh dawna, chu chu ka kutah a innghat tawh. Team kan nei tha a, thil tam tak ka tawnga, ka contract-ah kum li dang ka la nei a ni,” a ti.