​Tun season-ah Federer-a hmel kan hmu tawh dawn lo

27th July 2016, 01:07PM

Swiss tennis star Roger Federer chuan inhliam vangin Rio Olympics a khel thei dawn lova, tun season chhung chu a inkhel thei tawh dawn lo bawk a ni.

Grand Slam champion vawi 17 lai ni tawh Roger Federer hian a khup a ti hliam a, inenkawl a mamawh thu a tarlang a ni.

Kum 34 mi Federer hian February thla khan khup hliam a nei tan a, French Open-ah pawh a inlan thei ta lo. Tin, Wimbledon-ah pawh a khup hliam a chhuak leh.

"Switzerland tana Rio-a ka inlan thei lo tur hi hrehawm ka ti khawp mai. Kum 2017-ah tha zawka rawn kir leh ka tum dawn a ni," tiin a Facebook page-ah Roger chuan a tarlang a ni.

Federer hian Beijing 2008-ah khan doubles-ah gold medal la mahse singles-ah gold a la la lova, kum 2012 London Olympics-ah khan final-ah Andy Murray a hneh lova, Silver a la ta a ni.

Copyright © inkhel.com 2024. All rights reserved.