Chelsea chuan an midfielder Andrey Santos chu French club Strasbourg lamah loan in an chhuah tir a, Chelsea neitu leh Strasbourg neitu te hi an inang a ni.

Nikum nipui lai khan Premier League club Nottingham Forest chuan Santos hi tun season chhung atan loan an lalut a, kum 19 mi loan contract hian tun season tawp thleng daih mah se, Forest hian an chhawr tlem em avangin Chelsea chuan a hun hmain Santos-a loan contract hi an titawp.

Santos hi Brazil Under-23 captain niin, tunah hian CONMEBOL pre-Olympic tournament khelin Venezuela-ah a fehchhuak mek a, season chawhma lam England-ah khel mah se, season chawhnu lam erawh France-ah a khel thung dawn.

Chelsea hian Brazilian midfielder nikum January thla khan Brazilian club Vasco da Gama atangin an lei a, Santos hi season hmasa chawhnu lam zawng kha Vasco da Gama-ah hian loan in a khel chhunzawm a, nipui lai khan UK panin, Chelsea hian Forest-ah loan in an tir chhuak.

Forest tan Santos hian game hnih bak a khel lova, Chelsea hian a inkhelh tam theih zawkna tura an rin Strasbourg-ah chhuah tirin, Strasbourg hi tunah hian Ligue 1 table-ah sawmna an ni mek a, an manager hi Arsenal captain hlui Patrick Vieira a ni.