13 Jun 2019 10:10

bakteaJr.

Mizo tlangval

​Tun nipuia Barca pan tur Griezmann

Atletico Madrid star player Antoine Griezmann chuan tun nipui chhungin Barcelona a pan tur thu Atletico Madrid CEO Miguel Angel Gil Marin chuan a sawi.

Thla hmasa khan French forward Griezmann hian tun nipui chhunga Atletico Madrid a chhuahsan tur thu leh Barcelona a pan tur thu a lo sawi tawh a, mahse duh angin thil a kalchak thei lova, tun thlengin Barcelona player a la ni lo.

Atletico CEO Gil Marin chuan, “Greizmann hi March thla atang khan a khelhna tur kan hre chiang daih tawh a, Barcelona-ah a ni,” a ti.

Greizmann hi nikum nipui lai pawh khan Barcelona hian lakluh an lo tum tawh a, mahse amah hian Atletico-a la cham zel a duh avangin a chhuak lo.

Tun season hman zawh takah khan La Liga-ah Atletico hi pahnihnaah awmin, Barcelona chiah an pha lova, trophy engmah la lovin season an hmang bawk.

Kum 2014 khan Greizmann hian Real Sociedad atangin Atletico Madrid hi a pan a, Madrid-a a cham chhungin Atletico hi trophy pathum a chawi pui tawh a, Europa League, UEFA Super Cup leh Supercopa de Espana-te chu vawi khat theuh a chawi hman.

Barcelona hi La Liga-ah champion-in Champions League lamah semi-final thleng mahse tun hma an phak tawh loh zia chu sawi tam a ngai lo. Player in lak that an mamawh ve hle a, Greizmann lo pawh hi tun nipui chhungin an lakluh belh nual a rinawm a ni.