7th Tuivawl Constituency Inter Village MLA Cup Football Tournament, Darlawn Zone Football Association buatsaih hi Darlawn Playground-a khelh chu a hmawr bawk hnaih a ni ta a, Nilaini khian Darlawn Vengpui VC leh Pehlawn VC ten final an khel ang.

Tuivawl Constituency Inter Village MLA Cup Football Tournament ah hian Team 11 an chhuaka, vawiin khan semi final khelh niin chawhma dar 11:00 khan Pehlawn VC leh Sawleng VC an inkhel a, Pehlawn VC hian goal 2 an thun a, heng goal te hi Lalhruaisanga'n 17 minute a thun leh R.Vanlalhriatpuia 73 minute a thunte a ni a. Sawleng VC atangin Lalrammawia'n 65 minute ah goal a khung a, Pehlawn VC te hian 2-1 in hnehna an chang ta a ni.

Semi final inkhel vawi hnihna chhun dar 1:00 a khelhah Darlawn Vengpui VC leh Sunhluchhip VC hian inkhel hmuhnawm tak an khela, Darlawn Vengpui VC team te an chungnung ta zawk.

Vengpui VC team, Lalruatdika'n 48 minute ah a khung a, Sunhluchhip hian nawr let nghalin minute 70 naah Darlawn Vengpui VC team hia an mahni lamah goal an ti lut a. Sunhluchip lam hian goal an thun belh tuma an nawr let viau laiin Minute 84 naah Darlawn Vengpui VC team a mi Zoramsanga chuan Sunhluchhip lamah a pet lut zawk a. Rulh let tumin Sunhluchhip VC team hian nawr viau mahse, Darlawn VC team an tangtluan thei.

Team khawng leh player in fit tak tak awmna Sunhluchhip 2-1 in an vanduai ta zawk a ni. Nilaini chhun dar 12:00 ah Darlawn Vengpui VC leh Pehlawn VC te hian Tuivawl Constituency Inter Village MLA Cup Football Tournament Final an khel dawn ta a ni.

Ni 30/5/2022(Monday)

Semi Final 1st Match

11 : 00 am : Sawleng 1 - 2 Pehlawn

2nd Match 1 : 00 Pm : Darlawn Vengpui 2 - 1 Sunhluchhip

Date : Dt 1/6/2022(Wednesday) :

Final 12 : 00 Noon Pehlawn Vrs Darlawn Vengpui