Tuipuiral Annual Sports Meet 2023 Football Final chu April ni 21, 2023 (Zirtawpni) khan zawh fel a ni a. Final-ah Farkawn White leh Hruaikawn inkhelin, Farkawn white an champion

Final inkhel hmuhnawm takah hian inkhel tan atanga min 10-na lekah Farkawnin goal an khung nghal a, C Ramnunpuia'n ball khalh lutin tha zetin a cross-a, C Lalhriatpuia'n mawi zetin lei hrulah a pet goal, Farkawn hma a hruaipui. 

He mi hnu hian C Ramnunpuia'n Box pawn atangin goal-ah a sut a, goal ban hrulah kalin goal-ah a lut a, Farkawnin 1st Half-ah si 2 faiin hma an hruai. Hruaikawn hian Farkawn hmatawng C Lalhriatpuia leh C Ramnunpuia te inkawp an dang zo lo a ni ber.

2nd Half tan atanga rei lo teah C Lalhriatpuia'n Hruaikawn defender ball a chhuhsak a, Keeper mawi takin a pet khum a, goal class sang bik a khung. C Ramnunpuia'n defender pahnih a tlan pelh hnuah C Lalhriatpuia tan a cross-a, C Lalhriatpuia'n awlsam takin goal ah a tlawh lut a, Farkawn goal 4-na khungin Final Match-ah Hattrick a siam. 

Hun tawp thlenga goal dang luh belh loin Farkawn hian si 4 faiin hnehna an chang a, Tuipuiral Annual Sports Meet 2023 Football Champion an ni ta a ni.

Best Player -C Ramnunpuia, Farkawn 
Top Scorer - C Lalhriatpuia, Farkawn (Goal 12)
Best Keeper - Lalhmingchhuanga, Hruaikawn
Fair Play - Vangchhiain an dawng a ni.

Infiamna dang

Volleyball Mipa
Champion - Farkawn
Best Player - K Lalfakawma, Farkawn
Best Setter - C Lalchhanchhuaha, Farkawn

Volleyball Hmeichhia
Champion - Farkawn B
Best Player - Vanlalruati, Farkawn B

100m intlansiak
1. Zokima, Sesih
2. Joseph Laldintluanga, Vangchhia
3. Lalpianpuia, Khuangthing

200m intlansiak
1. 1. Zokima, Sesih
2. Joseph Laldintluanga, Vangchhia
3. Malsawmhluaa, Vangchhia

400m intlansiak
1. Joseph Laldintluanga, Vangchhia,
2. Malsawmhlua, Vangchhia
3.Lalthanmawia, Farkawn

Insuknawr
1. Lalhmingtluanga Sailo, Farkawn
2. Rothangpuia, Leithum
3.Lalhmingzama, Farkawn

Reporter : Jacob Khawlhring