Zothan Autoworks Pro Volleyball League May 20, zirtawpni zan Results
Tuichangral def Chhinga Veng Spikers (mipa) - 25-23, 25-21, 26-24 (3-0)
D3 Business Player of the Night - Sujith Acharya (Chhinga Veng Spikers)
Amrit Premium Plus Cement Fan of the Night - Lalrinzauva, Tuichangral Best Promo Video : TNT
Mizoram Volleyball Association chuan Pro Volleyball League 2022 tihlar nan mipa Pro Divion club pangte tan promo video insiamsiak hmanga inelna a buatsaih a, TNT hnenah lawmman Rs 3,000/- a hlan.
Hetih rual hian Mizoram pawn aṭanga kheltu player pali - Sujith Acharya (Chhinga Veng Spikers), Sahil Kumar (Tuichangral), Gagan Kumar (Hunthar) leh Sagar Malik (Durtlang North) hnenah Zothan Autoworks Pro Volleyball League 2022 an khel tih hriat rengna thilpek a hlan bawk.
Semifinal lut sa chunga khel Tuichangralin ṭha takin league hmawr an bawk a, Sahil Kumar leh Saidingpuia'n team ṭanpuiin set thum faiin an chak. Khelh liah vawi thum chakin point 10 an thawk chhuak a, pahnihnaah awmin point khatin hmahruaitu leh championship kal meka chak vek awm chhung Hunthar an pha lo a ni.
Kum 2018-a final lut Tuichangral hian kum li hnuah semifinal an khel leh dawn a, league-a pathumna nen kar leh nilaini zanah an inhmachawn dawn a, TNT nge Durtlang North an bitum dawn tih la hriat loh mah se league-ah an hneh ve ve a ni.
Chhinga Veng Spikers-in an zahawmna humhim zo lovin championship an thlah liam a, league vawi li an khelhah champion lai ni chungin an tlawm vek a, set thum lain team panga inel zinga hniam ber an ni.
Spikers an tlawm avangin inrinni zana inkhel tur TNT leh Durtlang North an tlang phah a, Chhinga Vengin an elpuite lakah harsatna tawk vekin boruak sangah an talbuai fo a, an insiam ṭha thei lo tluan.
Hun pawimawhah paukhauhna lantir thei lovin an zuih zel a, Tuichangral hmaah inkhel tidanglam turin set khatnaah 18-12-in an sang hman a, an tlang zo lo.
Hunthar laka set la lovin an tlawm ṭumin set hnihnaah 24-0-in hma an hruai a, point khat hmu belhah set la mai tur an nih laiin an inpawhthlaktir. Chutih rualin state dang aṭanga an lak luh Sujith Acharya chuan point 25 hmuin 12 a paih a, mi mala point hlawh tam ber niin D3 Business Player of the Night lawmman dawng chungin hun tawp a hmang.
Set thumna tawp dawnah a ke tinain inhliam mah se thlak lovin a khel tluan a ni.
Player stats :
TUICHANGRAL Sahil Kumar : point hmuh 26, point hloh 15 Saidingpuia : point hmuh 13, point hloh 3 F Lalngilneiha : point hmuh 6, point hloh 4 Lalrinhlua : point hmuh 3, point hloh 2 Thlamuanpuia : point hmuh 2, point hloh 1 Lalruatfela Sailo : point hmuh 3, point hloh 3
CHHINGA VENG SPIKERS Sujith Acharya : point hmuh 25, point hloh 12 Ramengmawia : point hmuh 7, point hloh 1 Lalnunpuia : point hmuh 3, point hloh 2 Lallianmawia Pachuau : point hmuh 3, point hloh 5
FIXTURE : May 21, inrinni - 8pm : Durtlang North v TNT (mipa)
May 23, thawhtanni - 8pm : Bethlehem Vengthlang v Durtlang (hmeichhia)