21 Sep 2020 11:15

inkhel

Tualchhung Football inelna lian ber MPL

Local lam hawi lawk ang aw. MPL kan theihnghilh loh nan, hawi kir lawk teh ang. Mizoram Football Association (MFA) leh Zonet Cable tangkawp tualchhung football inelna lian ber Mizoram Premier League (MPL) vawin riat khelh tawhah vawi li champion thei awmchhun I League Club Aizawl FC an ni. Mizoram Primier League (MPL) hi kum 2012 khan khelh tan a ni a, Club pariat laiin an khel a ni.

MPL season hmasa ber final-ah Dinthar FC leh RS Annexe an inhmachhawn a, Dinthar FC tan draw a pawi lutuk ringawt. An match khelh zawhah Mizoram Police FC in Aizawl FC an hneh chuan MRP FC an champion dawn si a, Dinthar FC vanneihna a kal tlung. Dinthar FC chuan 3-1 in hnehna an chang ta. Champion tura an mamawh point thum hmuh belhin champion hmasa ber an ni.

MPL Season 1 champion tur hian Dinthar FC hian vawi 14 khelhah point 30 an hmu. Chanmari FC vawi hnih an hneh lo a, hneh loh dang an nei lo. Aizawl FC, Mizoram Police FC leh Reitlang FC-te vawi khat ṭheuh an draw bawk. A bak match 10 chu an chak fai vek.

Mizoram Premier League Season 2 final-ah Chanmari FC leh Luangmual FC te in hmachhawnin thawh khatnaah Luangmual FC chuan 2-1 in Chanmari FC an hneh a, final thawh hnihnaah Chanmari FC-in 3-0 in Luangmual an lehthal a, aggregate-ah Chanmari FC chuan 4-2 a hnehna changin an champion.

Mizoram Premier League season 3-na final-ah Chanmari FC leh Aizawl FC in hmachhawnin thawh khatnaah Aizawl FC chuan B Zoramthara goal hmangin hnehna an chang a, thawh hnihnaah Chanmari FC chuan 3-2 in hun pangngaiah hnehna an chang ve thung. 

Away goal rule hman a nih loh avangin aggregate-ah 3-3 in an inhnehtawk ta chiah a, penalty Shootout-in chak zawk zawn a nih hnuah Aizawl FC keeper T Zothanmawia chuan vawi hnih dangin Aizawl FC hnehna chanpuiin 4-2 an chak a, an champion ta a ni.

Mizoram Premier League season 4 final-ah Aizawl FC chuan 3-0 a Chanmari FC hnehin an Champion a, a zawnin Aizawl FC an champion.

Mizoram Premier League season 5 final chu December ni 16, 2016 zan khan AR Lammualah khelh a ni a, Chanmari FC chuan si thum faia Bethlehem Venthlang FC hnehin a vawihnih nan an Champion ve leh bawk.

Mizoram Premier League season 6 final-ah Chhinga Veng FC chuan R. Malsawmtluanga goal khat hmangin I-League Champion lai Aizawl FC an hneh a, a vawi khat nan Chhinga Veng FC chu MPL champion an ni ve bawk.

Mizoram Premire League season 7-na December ni 17 zan khan AR Lammualah Aizawl FC chuan champion lai Chhinga Veng FC final-ah an hmachhawn a, hun pangngaiah 1-1 in an inhnehtawk a, extra time-ah goal a luh belh lo, penalty shootout hmanga chak zawk zawn a nih hnuah Aizawl FC chuan 5-4 a hnehna changin an champion leh a, Aizawl FC hi MPL-ah vawi thum nan an champion ta a ni.

Mizoram Premier League (MPL) Season 8 final chu December ni 14, 2019 Inrinni zan khan khelh a ni a, I League Club Aizawl FC leh Electric Veng FC te final-ah in hmachhawnin Aizawl FC chaun 2-0 a Electric Veng FC hnehin an champion leh a, a vawili nan nomawi an chawi a, MPL vawi riat khelh tawhah vawili champion thei awm chhun hi Aizawl FC chiah an awm a, I League club Aizawl FC atang hian India Super League (ISL) inpet kai an awm nual tawh bawk.

(adsbygoogle = window.adsbygoogle || []).push({});