Manchester United chuan kum 1999-a treble an lak kum 20-na a nih angin Old Trafford-ah inkhel ngaihven hlawh tak an buatsaiha, Manchester United treble reunion neiin, United treble legends leh Bayern Munich legends-te an inkhela, United legend-te hi si nga faiin an chak.

United legend lam tan hian Solskjaer, Yorke, Butt, Saha leh Beckham te chuan goal khat theuh an khung.

Kum 2013-a Sir Alex Ferguson a retire hnuah Sir Alex chuan a vawi khat nan team a enkawl leh zuaia, Old Trafford-ah hmel thar lo hlir hmuh tur a awm. Sir Alex-hi kum 20 liamtaa a assistant manager Stevfe McClaren nen United legend-te hi an vil a ni.

Team hnihte zingah hming hrawl tak tak hmuh tur a awm nuka, class of 92 ami David Beckham, Gary Neville, Nicky Butt leh Paul Scholes te chuan inkhel bul an tan vek. United keeper hi Peter Schmeichel niin, he inkhelah hian an captain a ni bawk.

United team-ah hian tuna United manager ni mek Ole Gunnar Solskjaer pawh telin, midang lar tak tak; Jaap Stam, denis Irwin, Dwight Yorke, Andy Cole, Louis Saha, Wes Brown leh midang te pawh squad-ah an awm nuk.

Bayern Munich lam pawh an hrawl lo bik lo, an captain pawh Lothar Matthaus a ni a, Ivica Olic, Martin Demichelis, Daniel Van Buyten leh midang hrawl tak tak an awm ve nuk bawk. He inkhel hi mi 61,175 laiin a hmunah an en a ni.

Team:

Man United:Schmeichel (c) (van der Gouw 34, Pilkington 74); G. Neville, Stam (Brown 68), Johnsen (Berg 79), Irwin (Silvestre 57); Beckham, Butt, Scholes (Greening 59), Blomqvist (Poborsky 46); Yorke (Saha 41), Cole (Solskjaer 1, Sheringham 26, May 79).

Bayern Munich: Butt; Witecek, Demichelis, Matthaus (c), Ottl; Ze Roberto, Effenberg, Paulo Sergio, Olic; Makaay, Elber.
Subs (all used):Dreher, Babbel, Pflugler, Kuffour, Augenthaler, van Buyten, Nerlinger, Sternkopf, Schupp, Fink, Lakies, Jancker,

Subs not used: Babbel, Toni.