14 Jan 2020 01:38

bakteaJr.

Mizo tlangval

​Traore hi Ronaldo aiin chan a hautak zawk: Willems

Newcastle United wing-back Jetro Willems chuan Wolves winger Adama Traore chu a tlan chak mai bakah tharum a ngah em avangin Cristiano Ronaldo aiin chan a hautak zawk niin a sawi.

Dutch player Willems hian Traore leh Ronaldo-te hi a hmachhawn ve ve tawha, Inrinni liamta mai khan Newcastle leh Wolves an inhmachhawn a, hetah hian Willems chuan Traore a hmachhawna, Euro 2012 khan Netherlands leh Portugal intumin Willems hian hetah hian Ronaldo a lo hmachhawn tawh bawk.

Kum 23 mi Traore hi a tlan chak zia chu mi zawng zawng hriat a ni a, footballer tlanchak ber anga sawi pawh lo ni tawh thinin football game lar tak FIFA lamah pawh player tlanchak ber a lo ni tawh. Traore hi a tlanchak mai bakah a sek hle a, a chak em bawk avangin chanchinbu thenkhat chuan NFL team-in lakluh an tum dawn hial ang te pawhin a lo sawi tawh.

Kum 25 mi Willems chuan, “Ka career chhungin player tha tak tak ka lo hmachhawn tawh thina, mahse Traore anga tlan chak hi ka la hmachhawn ngai lo. Ramsa ang mai a ni a, awihawm loh khawpa chak a ni a, a tlan chak mai bakah tharum a ngahin a chak em em bawk.

Footballer tlan chak ber anga sawi thin a ni a, keichuan hei hi thudik a nih zia ka hria. Keipawh hi tlan chak ka inti ve viau thina, mahse Traore ka khelhpui hmaa ka inhmuh dan a ni. Ronaldo ka lo hmachhawn tawha, a ni kha tlan chak tho mahse chuti taka tlanchak erawh a ni lo.

“Ronaldo thiam zia hi hai rual a ni lova, mahse a chang chuan Traore ang mi tlan chak tak aiin chan a hautak lo zawkin ka hria,” a ti.