Vawiina Sapram chanchinbu hrang hrangin European Football club hrang hrang ten player an dawr mek leh player che mai thei nia an tarlante lawrkhawm leh ila.
# Manchester United-in player an dap kual nasa hle a, Transfer market pawh an luah hneh hle. United hian Atletico Madrid striker Mario Mandzukic an rim mek, Man Utd hian Mandzukic an la chhuak thei lo a nih chuan Everton striker Romelu Lukaku 22 an an ngaihven dawn. (The Sun)
# Spanish newspaper Marca chuan Real Madrid defender Rafael Varane chu Man Utd chuan an ngaihven niin a tarlang. Real Madrid hian an defender kum 22 mi Varane hi hralh an tum loh thu sawi mahse United hian Dea Gea an chan dawn a nih chuan Varane lak an tum ve dawn.
# French chanchinbu L'Equipe in a tarlan danin Man Utd chuan Monaco full-back kum 21 mi Fabinho chu £10.2m in lei an tum dawn.
# Manchester United leh Manchester City striker Carlos Tevez chu a khelhna hlui Boca Juniors chuan Argentina lama lak kir leh an tum dawn niin Mail chuan a tarlang.
# The Sun in a tarlan danin Italian Champions Juventus chuan Chelsea midfielder kum 23 mi Oscar chu £18m vela lak an tum dawn.
# Manchester City-in Liverpool forward Sterling an dawrna chu a hlawhchham mai dawn nia a lan avangin City hian Arsenal midfielder Jack Wilshere lam an hawi mek niin Mirror chuan a tarlang. Kum 23 mi Wilshere hi Man City chuan £30m vela lei an tum dawn.
# Juventus chuan an striker Tevez chu an chan mai dawn nia an inhriat avangin Atletico Madrid striker Mario Mandzukic an be ve nghal tih Italian chanchinbu Gazzetta chuan a tarlang.
# Times chanchinbuin a tarlan dan chuan Tottenham chaun Newcastle midfielder hlui Yohan Cabaye kum 29 mi chu PSG atanga lak an tum dawn.
# Galatasaray chuan kum 31 mi Manchester United striker Van Persie lak tumin hma an la mek a, a rual hian Schalke striker Klass Jan huntelaar pawh an ngaihven nghal dawn tih Manchester Evening News chuan a tarlang.
# Daily Star-in a tarlan danin Chelsea chuan an goalkeeper Petr Cech chu Arsenal lamah an kal tir mai tawh dawn. Hetih lai hian Mourinho chuan Courtois thachhang dawl turin QPR keeper Rob Green a be dawn.