Europe league lian zawkah Kumthar Ni atangin thlasik bazar a inhawng a, England, Bundesliga leh Ligue 1 lamah te bazar hi a inhawn tawh laiin, La Liga leh Serie A lamah erawh Thawhtanni atangin thlasik bazar hi a inhawng ve dawn a ni.
Club eng emaw zatin an squad thawm that nan tun thla chhung hian player thar an lalut leh dawn a, nipui bazar angin thlasik bazar hi lun thin lo mahse player che vel an awm leh nual dawn a ni.
Transfer titi thenkhat:
- Tottenham chuan Barcelona playmaker kum 29 mi Philippe Coutinho chu free transfer-a lakluh an duh a, mahse Barcelona hian Coutinho manah hian pound maktaduai 17 an duh. (El Nacional)
- Manchester United chuan January thla hian River Plate striker Julian Alvarez lakluh an duh a, United hian Alvarez-a release clause pound maktaduai 16.8 pek tlak an inhuam a, kum 21 mi hi Bayern Munich, Barcelona, Real Madrid leh Inter Milan-te pawhin an ngaihven ve mek. (Sport)
- Newcastle leh Atletico Madrid te chu kum 31 mi English right-back Kieran Trippier-a chungchangah an inrem teuh tawh. (The Athletic)
- Chelsea chuan an defender Antonio Rudiger chu an chelh duh a nih chuan an player neih sa zawng zawngte aia hlawh tam zawk pek an inhuam a ngai dawn. (Football Insider)
- Rudiger chuan Chelsea-a a contract hman zawha nipuia free agent anga Real Madrid zawm a tum a, signing-on bonus fee atan pound maktaduai 16 chuang a duh bawk. (ABC)
- Tottenham chuan Wolves winger Adama Traore lakluh an la ngaihven reng. (Fabrizio Romano)
- Manchester City chuan an winger beiseiawm awm kum 19 mi Jayden Braaf chu a contract a hman zawh tawh dawn avangin man tlawm te a chhuah tir an phal. (Manchester Evening News)
- Sunderland chuan Manchester City winger, tuna Troyes lama loan-a khel mek Patrick Roberts-a chungchangah Manchester City chu inremna an neihpui hnai tawh. (Football Insider)
- Norwich City chuan Sion and Guardeloupe right-back kum 26 mi Dimitri Cavare lakluh an tum mek a, Norwich hian Cavare hi Max Aarons a chhuah chuan a hmun luah khat turin an duh. (Footeux)