World Cup khelh mek a ni a, tunlai chu Football chanchin zawng zawng deuh thaw Russia atanga lo chhuak a ni deuh ber mai.

Chutih laiin transfer hunlai ang kha a lo ni bawk a, chuvang chuan tunhnai transfer thuthang leng vel han zep hram teh ang... A hrim hrimin football leh lutuk a awm theih hleihnem mawle!!

(adsbygoogle = window.adsbygoogle || []).push({});

--Thuthang dik

Transfer chhunga buai pawl chu Arsenal hi an ni ngei ang. Bild reports chuan an goalkeeper Petr Cech thlaktu tur an hmu ta niin an sawi. Report chuan, Gunners hian Bayer Leverkusen atangin Euro maktaduai 25-in Bernd Leno lak an tum niin an sawi. Heivang hian Petr Cech chuan North London hi loan-in Napoli-ah a chhuahsan dawn niin an sawi bawk a; tin, Napoli goalkeeper Pepe Reina pawh AC Milan-ah a kal ang.

--Thuthang diklo

Telegraph in a tarlan danin, Everton chuan Gelson Martins (Sporting) leh Matthijs De Ligt (Ajax) te lak an tum. Amaherawhchu hei hi tunhnaiah Marco Silva chuan dawn a nih thu leh an tih theihloh tur thu a sawi.

Football Fantasy

Second division club Bari player Liam Henderson chu Fiorentina-ah Euro maktaduai hnihin a lut dawn niin an sawi a, hei hi a thleng dik a nih chuan Scottish player kum 32 hnua Italy top flight-a khel leh hmasa ber a ni ang.

Leicester chuan Norwich forward James Maddison chu tunhnaiah Euro maktaduai 28-in an la dawn niin an sawi.

Arsenal chuan an squad bawr lutuk inpaihthawl an duh niin an sawi a, paih tur zingah hian Wilshere chu hming lian pawl a ni. Southampton chuan Jack Wilshere hi lak an tum a; tin, an ni bakah hian tunhnaiah West Ham, Wolves leh AC Milan te pawhin English midfielder hi an rawn beisei thar ve bawk.