Copa America inelna kal mekah Chile chuan boruak tha lo an tawng chho zela, zu rui chunga motor a khalh avangin midfielder Arturo Vidal a'n tawhsual tenau a tawk zo chiah tihah an forward Alexis Sanchez chu training naah a inhliam ve leh bawk.

Training naah Sanchez hian a ke dinglam tha a ti na a, Zirtawpni a Bolivia an hmachhawn hunah a khel thei ngei angem tih chian turin medical test a paltlang phawt a ngai dawn a ni.

Chile leh Bolivia te inkhel tur hi a pawimawh hle a, an match hmasa pahnihah te heng team te hian hnehna vawi khat leh draw vawi khat ve ve neiin group ah Chile hian hma an hruai meka, Bolivia in dawtin he inkhela chak zawk zawk hian group (A) ah hma an hruai chiang dawn tawh a ni.

Chak lo zawk awma inkhel an tawp a, Mexico in Ecuador an hneh thei a nih chuan a chak lo zawka tang an tla ve thei tlat bawk.

Chilean coaching staff te chuan Bolivia lakah hian Alexis hi a inlan hman ngei an beisei ve mek. Arsenal fans te chuan fit lo leh dam chiang lo chung chunga a inkhelh an duh lo hle in a rinawm.