07 Feb 2020 08:53

bakteaJr.

Mizo tlangval

​Tottenham stadium-in AJ-a fight a thlen hmel

Promoter Eddie Hearn chuan British heavyweight boxer Anthony Joshua-a fight leh tur chu Premier League club Tottenham home ground Tottenham Hotspur Stadium-ah a ni maitheih tih thu a sawi.

Kum 30 mi Anthony Joshua hian nikum December thla khan Saudi Arabia-ah a hmaa a hneh loh Andy Ruiz chu a hneha, a heavyweight title hloh tawhte a la kir.

AJ hian kumin June thla hian Bulgarian boxer Kubrat Pulev a hmachhawn dawn niin a langa, an fight hi England-ah; London-ah ngei mai a nih hmela, mi 60,200 chuang lenna Tottenham Hotspur Stadium chuan a thleng ngei dawn niin a lang mek.

Hearn chuan Sky Sports a hrilh danin, “Far East, Middle East, Africa, America leh Turkey lam atang te in min dawr tu an awma, mahse AJ hian kumin June thla hian London-a in fight a duh. Spurs hi a awm bera, a mah pawhin chu chu a duha, ti tura min tih pawh a ni.

“AJ hian chiang takin min hrilha, ‘Ka lo haw duh, Madison Square Garden-ah te ka innghat a, Saudi Arabia-ah te, tunah chuan min hruai haw tawh rawh; min dawrtu dangte chu ngaihsak lo la min hruai haw mai rawh,’ a ti,” tiin a sawi.

London-a AJ in fight hnuhnun ber hi kum 2018 September thla kha a ni a, hemi tum hian Wembley Stadium-ah Alexander Povetkin a hneh a ni.