Tlai khaw hnuah Tottenham chuan Villarreal winger Arnaut Danjuma an la lut dawn ta a.Netherlands international hian season tawp thleng cham turin loan-a Everton lam a pan rin a ni.
Tun transfer window-ah English club hrang hrangin Danjuma hi an hel a, Goodison Park lam pan turin thutlukna a siam.
Everton lam pawhin an inremsiamna puan chhuah an inring mek a, mahse a tawpah Danjuma chuan a rilru thlak lehin loan-a Tottenham lam pan a tum ta zawk niin English media te chuan a tar lang.
Spurs chuan tun transfer window-a forward lak luh belh tumin an la bazar mek zel bawk a, Nicola Zaniolo chung changah pawh Roma nen inbiakna an la kalpui mek nia hriat a ni.
Tottenham mai ni lo, Nottingham Forest leh Leeds United pawhin Danjuma hi lak an lo tum ve viau hman bawk.
Kum 25 mi hian season hmasa a Villarreal tana game 34 a khelhah goal 16 a khung a, tun season game 17 a khelh tawhah goal 6 a khung tawh bawk. Mahse kum 2022 Netherlands World Cup squad-ah khan a tel ve ta lo a ni.