14 Jan 2020 01:48

bakteaJr.

Mizo tlangval

​Tottenham midfieder thar tur Fernandes

London club Tottenham Hotspur chuan London club dang pahnih West Ham leh Chelsea-te nena sawizawm Gedson Fernandes chu Benfica atangin an lalut fel tep tawh niin chanchinbu mite chuan an tarlang.

Tottenham chuan Portuguese midfielder kum 21 mi Fernandes hi thla 18 chhung atan loan-in an lalut phawt dawn niin a langa, hemi zawh hian euro maktaduai 65-in Fernandes hi an lei nghet thei dawn niin chanchinbu mite chuan an tarlang.

Fernandes hian Tottenham hi a zawm ngei dawn niin a langa, medical neiin official-a puan a ni tep tawh tih chanchinbu mite chuan an tarlanga, Tottenham hian Jose Mourinho hnuaia an player thar hmasa ber tur an lalut dawn niin a lang.

Fernandes hi Benfica academy chhuak a ni a, kum 2017-18 season khan Benfica B tana khelin kum 2018 khan senior team-a lakchhoh niin, kum 2018 tho khan Portugal chuan senior team lama khel turin an ko tan bawk.

Sawi tawh angin Fernandes hi West Ham leh Chelsea-te nen pawh sawizawm niin, West Ham hi a zawm mai dawna a lan hnuah Tottenham a zawm leh dawn ta zawk niin a langa, hei hi Spurs chuan West Ham aiin loan-fee an ngam huai zawk vang nia tarlan a ni.