16 Sep 2020 07:06

bakteaJr.

Mizo tlangval

​Tottenham leh Bale an inhnaih tual tual

Tottenham chuan an player hlui Gareth Bale lak luh an tum meka, an hlawtling thei mai dawnin a lang chho mek.

Bale-a agent chuan tunah hi Real atanga Bale a la chhuah teuh ber tum a ni tih Sky Sports a hriilha, Tottenham nen hian inhnaih tual tual niin Sky Sports hian a tarlang bawk.

Tottenham hian kum 2013 khan Bale hi Real hnenah an hralha, he tih hunlai hian Bale hi khawvela footballer man to ber a ni pha hial a nih kha.

Bale-a advisor te chuan Tottenham a kir turin thurawn an pe nia sawi a ni a, a agent te leh Tottenham te hi inbe tawhin, Spurs leh Real pawhin inbiakna an kalpui tan tawh.

Tottenham manager Jose Mourinho ngei pawhin Bale hi bia in, an team-a hman a tum dan te a sawipui tawh niin Sky Sports chuan a tarlang bawka, Bale leh Tottenham hi an inhnaih vet vet tawh hle niin a lang.

Kum 31 mi Bale pawh hi a club hluia kir a hreh lo niin sawi a ni a, kum 2007 atanga kum 2013 chhung kha North London-ah Welsh forward hian hun a lo hmang tawh.

Tottenham hian Bale an la lut a nih chuan loan-a an lak phawt a rinawm bera, Real nen hian a hlawh an intum sem tura ngaih niin, Bale hian kar khatah pound 600,000 a hlawh mek a ni.