16 Sep 2020 10:51

bakteaJr.

Mizo tlangval

​Tottenham-in Reguilon an lak hmel

Tottenham chuan Manchester United nen a sawi zawm mek Sergio Reguilon chu an la lut zawk dawn niin a lang chho mek.

Real Madrid left-back, season liamtaa loan-a Sevilla lama khel Reguilon hi United chuan an la mai dawn angin a lang hmana, mahse United leh Real-te hi an inrem thei lo niin a lang.

Reguilon pawh hian United hi zawm duhin, mimal thilah inremna nei thei dawn mahse, United hian Real-in an phut ang clause chu an pawm ve thei lova, Reguilon an la thei dawn ta lo.

Real hian Reguilon hi an hralh dawn a nih chuan a manah euro maktaduai 30 vel an duha, chu bakah buy back-clause dah tel an duh bawka, hei hi United lam chuan an pawm ve thei lova, nakin zela Reguilon chan an duh lo.

Tottenham chuan Real Madrid phut ang ang hi tih hlawhtlin an remti a, hemi avang hian club hnihte inkarah inremna a awm thei a, tun kar chhung hian Reguilon hi Tottenham player ni hman tura ngaih a ni.

Tottenham hian an left-back Danny Rose an chhuah tir dawna, Ben Davies la neiin, Reguilon hi an la thei a nih chuan, Reguilon hian Davies hi a nek chhuah a rinawm.

Reguilon an dawr pah hian Tottenham hian Real hi Gareth Bale-a chungchang an sawipui nghal niin sawi a ni a, Tottenham hian an player hlui hi loan emaw pawha lakluh an hreh lo niin sawi a ni a, an lak luh theihna tur a nih chuan Dele Alli chu Real lama kal tir an remti niin sawi a ni.