​Tottenham-in an keeper hlui an lalut

15th October 2019, 03:10PM

Tottenham captain leh an first-choice goalkeeper ni bawk Hugo Lloris chuan Premier League inkhela a kiu ruh a tih pelh avangin hun eng emaw chen a inhliam dawna, Spurs hian goalkeeper dang chu an second choice keeper Paulo Gazzaniga thachhang dawl turin an lalut.

Tottenham hian an goalkeeper hlui Michel Vorm chu tun season tawp thleng atan contract an ziahpuia, free-agent a nih mek avangin Tottenham hian an lalut thei a ni.

Dutch keeper Vorm hian kum 2014 khan Welsh club Swansea City atangin North London club Tottenham hi a lo zawm tawh a, kumin khan a contract a zawh avangin Spurs atang hian a chhuak.

Tottenham tan Vorm hian game 47 a khel hmana, atan Tottenham-ah thil thar a awm dawn lo. A awm hmasak  laia a jersy hak thin jersey no.13 bawk chu Spurs hian Vorm hi an pe leh.

Lloris hi nakkum January thla velah bak a lo kir theih a rinawm lova, hemi hun chhung hian Gazzaniga chuan si ban nghak dawnin, kum 35 mi Vorm chu thlavengah a awm dawna, Lloris a lo kir hunah Vorm hi third choice a ni ang.

Lloris hi a tirah a ban a tliak anga a lan laiin, a kiu ruh a pelh mai chauh tih hriat a ni tawh a, a inhliam hi na viau tho mahse ban tliak ai chuan zia tak a ni a, beisei aiin a lo kir leh thei hma dawn niin a lang a ni.

Copyright © inkhel.com 2024. All rights reserved.