London hmar veng club hian Ange Postecoglou enkawlna hnuaiah tha takin season an hmang a, Premier League-ah pangana niin season tharah Europa League an khel ang. An thlen chin chhe em em lo mahse, an duhkhawp a tling lova, nomawi beisei ngam team neih an duh.

Chhuahtir an phal zingah Richarlison a tel niin Standard chuan an ziak a, Saudi Arabian club-te'n an enthla niin an sawi. Kum 27 mi hian chhuah a tum lo tih Instagram-ah a tarlang a, a chungchanga titite awmte dawt muhlum a ni tih a sawi.

Tottenham atanga chhuak thei zingah hian Emerson Royal, Pierre-Emile Hojberg, Bryan Gil leh Giovani Lo Celso-te pawh an tel a, loan-a an chhuahtir sate pawh hralhna tur an hmuh chuan suma chantir an pawi tilo.

Loan-a chhuakte hi Joe Rodon, Djed Spence, Sergio Reguilon, Japhet Tanganga leh £65m man Tanguy Ndombele-te an ni a, Fulham atanga an lei Manor Solomon pawh chhuah phalna an pe tawh. Ryan Sessegnon hmalam hun pawh a chiang lo khawp mai a, RB Leipzig atanga an hawh Timo Werner erawh kawlzui zel an thlang a ni.