Tottenham ah Heung-Min Son lut hnai

26th August 2015, 11:08PM

German newspaper Kölner Stadt-Anzeiger chuan Bayer Leverkusen star Heung-Min Son chu Tottenham in an lalut fel tep tawh niin a ziaka, German newspaper rintlak tak Kicker pawhin London ah medical nei turin Son-a chu a awm mek niin a ziak bawk.

€30m (£22m) Tottenham hian an seng dawn niin sawi a ni a, zanin UCL qualifier ah Leverkusen in Lazio mikhual dawn mahse Son-a hi London ah a thlawk lut ta tho niin an ziak bawk.

German club Leverkusen chu heng thu leng vel chungchangah hian an la ngawi renga, zanina UCL play off 2nd leg an khelh tur chu an ngaihpawimawh ber a nih thu an sawi.

Son hian €10m in 2013 khan Hamburg atangin Leverkusen hi a zawma, season hnih liamta khan goal 29 lai inelna hrang hrangah Bayer tan a khung hman a ni.

South Korea international hian ram tan vawi 44 lai a fehchhuak ve tawha, Erik Lamela chu Inter Milan nen sawi zawm an nih nasat em avangin Lamela thlaktu atan Spurs hian an duh ni berin a lang.

Copyright © inkhel.com 2024. All rights reserved.