Top 5 huangah Bianca Andreescu a chho

10th September 2019, 12:09AM

Bianca Andreescu chuan US Open title a la chiah a, tun hnaia WTA Ranking chhuak tharah pawh hma a sawn hle a. A hmaa a awmna aia hmun 10 zeta sangah a lawn chho a, Top 5 huangah a awm.

Inrinnia US Open hmeichhe singles final-ah Bianca Andreescu chu Serena Williams nen an inhmachhawn a, Andreescu chu chakin ranking lamah pawh nasa takin hma a sawn theih phah a ni.

Kum khat kaltaah khan Bianca Andreescu hi ranking-ah 200-na a ni pha chauh a. Nikumah khan New York-ah hian first qualifying round-ah a tla nghal a, kuminah erawh title a la thei tawh a ni.

Kum 19-a upa Canadian star hi Japanese nula Naomi Osaka aiin hmun khatin a hniam zawk a. Osaka hian US title a humhim thei ta lo a, quarter final bak a pel thei ta lo a, ranking-ah hian palinaah a tla thla a, Ashleigh Barty chu pakhatna a ni ve thung.

Dinhmun chungnung bera awm Ashleigh Barty chu a hnuai chiaha awm Karolina Pliskova aiin point 400 velin a sang zawk a. Pathumnaah Elina Svitolina chu a awm bawk a, a chungnung pahnihte leh pathumnaa awmte inthlauhna hi a la zau angreng hle.

WTA rankings (September 9)

1. Ashleigh Barty (AUS) 6,501 pts (+1)

2. Karolina Pliskova (CZE) 6,125 (+1)

3. Elina Svitolina (UKR) 5,032 (+2)

4. Naomi Osaka (JPN) 4,846 (-3)

5. Bianca Andreescu (CAN) 4,835 (+10)

6. Simona Halep (ROU) 4,803 (-2)

7. Petra Kvitova (CZE) 4,326 (-1)

8. Kiki Bertens (NED) 4,325 (-1)

9. Serena Williams (USA) 3,935 (-1)

10. Belinda Bencic (SUI) 3,738 (+2)

11. Johanna Konta (GBR) 3,115 (+5)

12. Qiang Wang (CHN) 2,946 (+6)

13. Aryna Sabalenka (BLR) 2,785

14. Sloane Stephens (USA) 2769 (-4)

15. Angelique Kerber (GER) 2,750 (-1)

16. Madison Keys (USA) 2,727 (-7)

17. Caroline Wozniacki (DEN) 2,597 (+2)

18. Anastasija Sevastova (LAT) 2,517 (-7)

19. Anett Kontaveit (EST) 2,500 (+2)

20. Sofia Kenin (USA) 2,460

Copyright © inkhel.com 2024. All rights reserved.