Tennis chanchina player ropui bera chhal theih Roger Federer chuan nakkuma neih tur Tokyo Olympics-a inlan ngei a tum thu a sawi.

Grand Slam title vawi 20 la tawh Federer hi thla hmasa khan a khup zai a ni a, a khup zai a nih avang hian kumin chhung chawlh a tum thu a sawi tawh bawk.

Kuminah a inkhel hmu dawn tawh lo mah ila, nakkumah erawh Federer hi kan hmu leh ngei dawnin a langa, a dam fel hman a nih chuan Tokyo-a pawh kan hmuh ngei a rinawm.

Tokyo Olympics hi kumina neih tur ni mahse coronavirus avangin nakuma sawn hlat a ni a, kum 39 mi Federer hi nakkuma Tokyo Olympics tawp ni tura tih August thla ni 8-ah kum 40 a tling chiah dawn.

Federer chuan, “Ka tum ber chu Tokyo 2021-a khelh a ni a, khawpui nuam tak a ni. Olympic hi chu ka tan a hlu bik em em a, a chhan chu ka nupui pawh hi kum 2000-a ka Olympic tel hmasak bera ka tawn a ni. Vawi hnih zai ka ni a, tunah chuan inkhel thei lo mahse ila, 2021 hi chuan ka dam var tawh dawn,” a ti.