Australian slalom canoeist Jessica Fox chuan Tokyo Olympics 2020-ah Bronze medal leh gold medal a la ta. 

Fox hi Canoe slalom infiamnaa Australia tana rawn thawkchhuak a ni a, inelna an neih laiin a kayak (lawng te) hma lamah condom a vuah lai video chu chu tunah hian a lar mek.

Video-a a lan danin Fox hian a kayak hmaah carbon mixture a tah hnuin condom hmangin uluk takin a tuam a, hei hi a chakpui em? Tih chu sawi theih ni lo mahse Gold medal a lakna kawngah hian condom erawh a hmang chiang a ni.

A thluak a tha hle tih a chiang a, a bul hnaia thil awm remchang hmang thiam zel mi an sawi ang hi Fox hi a ni tih a chiang.

Tiktok lama a video darh vakah Fox chuan, "Bet you never knew condoms could be used for kayak repairs," tiin a tarlang nghe nghe.

Tokyo Olympic Village-ah hian organiser te chuan condom 60,000 vel an dah nia report a ni a, heng condom hi Game Village-a hman atana dah ni lovin in lama an haw huna hman tur atana an tih a nih thu organising committee te chuan AFP an hrilh.