Inrinni zan Premier League inkhelah Liverpool chuan Carrow Road-ah Norwich an tlawha, Liverpool hian si khat faia hnehna changin, goal awmchhun khungtu hi Sadio Mane a ni.

Liverpool hian a zawnin Premier League-ah vawi 17 hnehna an chang tawha, point hloh lova game 5 dang an kal leh chuan kum 30 hnua an league title hmasa ber an la tawh dawn.

Liverpool hi season kal mekah vawi khat an tumpui an inhnehtawkpui tih loh chu Premier League-ah an la chak fai veka, khelh 26-ah point 76 lai hlawhchhuak tawhin tunah hian point 25-in hma an hruai meka, an hnuai chiaha awm Manchester City aiin khelh khatin an khel tam zawk.

Norwich erawh an chet that kum a ni lova, tunah hian khelh 26-ah point 18 chiah la hlawhchhuakin, Premier League table mawngphahah an awma, an chung chiaha awm Watford aiin point 6 an hniam mek.

He inkhelah hian thli a tam hle a, Liverpool hi an khelh that ber zan a ni lo bawk nen clear chance insiam an harsat hle a, mahse a tawpah si khat faiin an chaka, champion zia an chhuah a tih theih awm e. Norwich lam hian chance tha tak tak an nei ve bawka, Teemy Pukki shot chu Liverpool goalkeeper Alisson Becker chuan lo save-in Alex Tettey chuan si ban a pet per bawk.

Goal a luh loh reng hnuah bench atanga rawn lut Mane chuan goal a khunga, ani hian Jordan Henderson-a pass tha tak dawngin Senegalese forward chuan goal-ah a khung a, hei bak hi goal lut a awm lo. Mane hian ti hian English club tan goal 100 a khung tling ta chiaha, Liverpool tan hian goal 75 khung tawhin Southampton tan khan goal 25 a khung hman bawk a ni.

Norwich 0-1 Liverpool

(Mane 78’)

Player Ratings

NORWICH: Krul 8, Aarons 8, Zimmermann 8, Hanley 8, Byram 6, Tettey 7, McLean 7, Rupp 7, Duda 7, Cantwell 7, Pukki 6. Subs: Lewis 7, Buendia n/a, Drmic n/a.

LIVERPOOL: Alisson 7, Alexander-Arnold 7, Gomez 7, Van Dijk 7, Robertson 8, Henderson 8, Wijnaldum 6, Keita 7, Salah 6, Firmino 7, Oxlade-Chamberlain 6. Subs: Fabinho 6, Mane 8.