27 Mar 2015 08:34

Inkhel

Mizo Sports Website hmasa ber

Ticket man chungchangah Premier League fans ten lungawilohna lantir dawn

Premier League fans te chuan Premier League club executives te inhmuhkhawmna kawtah inkhelh en man chungchanga an lungawilohna an lantir dawn.

He hunah hian Premier League chief executive Richard Scudamore chuan shareholder te lehkha pawimawh a hlan dawna, central London hotel ah nghah a ni dawn a ni.

PL top flight club 20 a Football Supporters' Federation (FSF) leh fans group te aiawhin Richard hian he lehkha pawimawh hi a hlan dawn a. He lehkha ah hian away ticket chu £20 chhungah khung tawh tura ngenna a inziak a ni. Hei baka thil dang fans ten an phut chu

- Premier League club zawng zawng ten season khata an sum hmuh atangin £1m zel dah tha se, chu chuan away fans te ticket man zat tur a tih tlakhniam phah theih nan.

- Club tin ten fans te nena inkungkaihna felfai tak an nei tur a ni a, chu chuan £1m an dah that chu fans te tana chhenfakawm taka hman a nih theih nan.

He lungawilohna lantirna hi £5.14bn laia Premier League in TV deal, Sky leh BT Sport te contract a ziahpui hnu lawka thleng a n dawn a ni. 2016-17 season thleng he contract hi a nung ang. 2013-14 season khan pre-tax profit £190m lai PL club te hian an hmua, kum 15 chhunga hetiang thil a thlen vawkhatna a ni nghe nghe. Hemi anih avang hian FSF chuan club te n away ticket man tihhniam an tum tawh tur a ni tiin thu a chhuah.

Inkhel boruak siamtu te chu fans te an ni a, hmun hla tak tak thleng pawhin hun harsa tak tak karah club tan te inkhel en tura zin peih reng te an ni tiin FSF letter ah a inziak bawk.

Heti chung pawh hian away fans te an tlahniam zela, ticket san vang a tih loh theih loh. Hei vang hian away game khat en man chu a tam berah £20 chauh ni tawh rawh se. Kum 20 liamta chhung khan football ah sum lengvak a hraw thei hle a, club, player leh agent ten an hlawkpui ruala fans te pawhin a hlawkpui kan duh ve tawh a ni tiin FSF chief executive Kevin Miles chuan a sawi.

Hetih rual hian FSF chuan Premier League club ten "Away Fans' Initiative" an kalpui mek dan erawh a faka, £12m lai season thum chhung away fans te pui thei tura a dah tha chu an lawm thu an chhuah bawk.