TI 11 Group Stage chu October 15-18 khan Singapore-ah khelh a ni a. Team 20 qualify te Group A leh B-ah then hrangin, BO2 series-in Group-a team awmte an in tum kual a. Team khel tha zual pali te chu Main Stage Playoffs-ah Upper Bracket-ah inhlangkaiin, top 5-8 te Lower Bracket lamah an awm ve bawk. Bottom 2 Team-te erawh paihthlak niin TI 11 an mangtha a ngai ta thung a ni. 

Group A lamah  Evil Geniuses, Team Liquid, PSG LGD leh OG te an khel tha a, Upper Bracket-ah an in hlangkai. Hokori, Royal Never Give up, Gaimin Gladiators leh Boom E-Sports te Lower bracket-ah an awm dawn bawk. Soniqs leh Betboom-te erawh group mawng phah-ah an awm avangin TI an mangtha a ngai ta a ni.

Group B lamah Tundra, Team Secret, Thunder Awakening leh Team Aster te chu Upper Bracket lamah an in hlangkai ve leh bawk a. Fnatic, Beast Coast, TI 10 Champions Team Spirit leh Indian Gaming Organisation Team Entity te Lower Bracket lamah an awm dawn thung. Talon Esports leh TSM te erawh Group mawngah awmin TI an mangtha ve bawk. 

Main Stage hi October ni 20 (07:30 PM IST) vel bawrah Opening Ceremony nen bul tan tura tih a ni a. Live-in Singapore Indoor Stadium-a mipui tling khawm hmaah an inkhel tawh dawn a ni.