10 Nov 2020 09:30

bakteaJr.

Mizo tlangval

​Thla lehah NBA season thar an tan dawn

NBA season thar chu player te nen kawng hrang hranga inremna an neih hnuah thla leh December ni 22 atang hian khelh tan tur thutlukna siam a ni.

A tlangpuiin NBA season thar hi October thlaa tan thin a ni a, mahse kumin erawh kan hriat vek angin thil a pangngai lova, 2019-20 season kha nasa taka a inpawh fan avangin October thlaa season thar tan ngaihna a awm lo.

2020-21 NBA season-ah hian game 72 a awm dawna, kum dang aiin a tlem dawn. League leh player te chuan tunah hian free agent-ten team an biak theih hun chungchangah inremna an nei tawha, tun thla ni 20 atang hian a intan hmel.

2019-20 season khan hripui avangin March thla atang khan chawlh reng niin, a hnuah khelh chhunzawm a ni a, October ni 11 khan khelh zawh theih hram niin, kum dang aiin an season hi thla li laiin a zo tlai.

Los Angeles Lakers chu champion in, kum 10 hnuah an NBA title 17-na an la a, final-ah Miami Heat an hneh a ni.