Everton manager Frank Lampard chuan, an striker Dominic Calvert-Lewin chu a inhliam avangin thla hnih dawn a chawlh a ngai dawn tih a sawi.

Nilaini khan press conference-ah Lampard hian Calvert-Lewin hi training-naa a inhliam avangin an Premier League game hmasa berah a inlan thei dawn lo tih a sawi a, mahse Ningani khan Lampard hian kum 25 mi hi kar ruk vel a chawlh a ngai dawn tih a sawi leh a ni.

Lampard chuan, “Dom-a a inkhel thei lo tur hi kan tan chuan a pawi dawn chiang a, kar ruk vel tal chu a inhliam dawn niin a lang,” tiin a sawi.

Richarlison an hralh bakah, Salomon Rondon suspend a ni mek bawk nen, Everton hian an Premier League game hmasa bera Chelsea an tlawh hunah striker chhawr tur mumal an nei dawn lova, Lampard-a lu pawh a hai viauin a rinawm.

Everton hian nipui bazar inkhar hma in striker thar lakluh tur an zawng mek niin chanchinbu thenkhat chuan an tarlang a, tun dinhmunah erawh striker langsar an lalut thei dawn em tih sawi theih a la ni rih lo a ni.