Kum 23 mi Manchester United striker Marcus Rashford chu a dar zai a ni dawn a, a tlem berah thla thum a chawlh a ngai dawn ta a ni.

Manchester United chuan Rashford-a hliam hi endik hmasak phawt tum mahse karleh lamah zai a ni dawn ta a, Rashford hian 2021-22 Premier League season bul a tan ve thei dawn ta lo a ni.

Season liamta khan Rashford hian league game 37 atangin goal 11 a khung a, dar hliam chungin Euro 2020 kha a khel nia report a ni bawk.

Euro 2020-ah khan Rashford hi vawi 5 inlan mahse a khel rei lo hle a, England-in final lut mahse minute 84 chiah a inkhel ve a, final-a penalty shootout-ah Southgate khan pennalty pet turin dah lut mahse a thelh hlauh a nih kha.