Chelsea chuan an defender Thiago Silva chu contract thar an ziahpui thei dawn niin a lang a, Brazilian defender hian Chelsea-a cham chhunzawm zel a duh niin chanchinbu mite chuan an tarlang.

Silva nikum khan free transfer-in Chelsea hi a zawm a, Chelsea hian kum khat daih contract ziahpuiin, kum khat dangin Silva contract hi kumin June thla khan an lo pawhsei sak tawh a, tunah hian kum 2023 June thla thleng daih contract ziahpui leh an tum mek.

Silva hi kum 37 mi lai ni tawh mahse defender tha tak a la ni a, Chelsea tlar hnungah la pawimawh hle in, Chelsea pawh hian season khat dang chelh dan an ngaihtuah mek a, contract thar chungchangah Silva leh Chelsea hi an inrem thuai tura ngaih a ni.

Chelsea manager Thomas Tuchel leh Silva-te hi Paris Saint-Germain lamah pawh an lo inhrawn tawh a, an inkar a tha hle nia sawi a ni a, Tuchel hi PSG-in an ban hnuah kumin January thla khan Chelsea hi a zawm.

Chelsea hian Silva hi contract thar chungchangah inbiakna an neihpui dawn hnai nia sawi a ni a, a hlawh ngai hlawh turin Silva hian contract thar a ziah ngei a rinawm a ni.